Fakatau ki ʻIsipite

Ko Siosefá ko e foha ia naʻe ʻofeina lahi ʻe heʻene tamai ko Sēkopé. Naʻe ngaohi ʻe Sēkope hano kote makehe. Naʻe meheka e ngaahi tokoua ʻo Siosefá. (Naʻe ʻikai ke tokoni ʻa e misi ʻa Siosefa ha ngaahi misi naʻe ueʻi fakalaumālie ia ʻe he ʻOtuá te ne puleʻi kinautolu ʻi ha ʻahó.)

Naʻe hanga ʻe he ngaahi tokoua ʻo Siosefá ʻo fakatau atu ia ki he kakai naʻe ō ki ʻIsipité pea tala kia Sēkope kuo mate ʻa Siosefa. Naʻe hoko ʻa Siosefa ko ha pōpula ʻi ʻIsipite pea naʻe lī ia ki he fale fakapōpulá ʻi ha hia naʻe ʻikai ke ne fai. Naʻá ne faivelenga maʻu pē ki he ʻOtuá, pea naʻe ʻiate ia ʻa e ʻEikí mo tāpuakiʻi ia.

Naʻe faifai pea fakaʻuhingaʻi ʻe Siosefa e misi ʻa Feló mo ʻoange ha faleʻi ke ne teuteu ki ha honge ʻe hoko mai. Naʻe fokotuʻu ʻe Felo ʻa Siosefa ke hoko ko ha pule ki ʻIsipite. Naʻe ʻikai fuoloa kuo omi hono ngaahi tokouá ki ʻIsipite ke fakatau ha kēleni. Naʻe ʻikai ke nau ʻiloʻi naʻa nau kole tokoni pē mei honau tokoua naʻa nau fakatau atú!

Naʻe faifai pea fakahā ʻe Siosefa ia ki hono ngaahi tokouá mo foaki ange ha meʻakai mo ha nofoʻanga ʻi ʻIsipite. Naʻá ne fakamolemoleʻi kinautolu mo fakahaofi hono fāmilí. Naʻe hoko ʻa e kau tautehina tatau ko ʻení ko e Faʻahinga ʻe 12 ʻo ʻIsilelí.