Te U Lava Fēfē ʻo Tokoniʻi Hoku Ngaahi Kaungāmeʻá mo e Fāmilí?

ʻI he hoko ʻa Sīsū Kalaisi ko ha tokotaha kuo toetuʻú, naʻá Ne ʻaʻahi ki he kau Nīfaí ʻo fakaafeʻi ke nau fai ha meʻa ʻoku fokotuʻu ai ha sīpinga ki he meʻa te tau lava ʻo fai ʻi heʻetau hoko ko ʻEne kau ākonga ʻo onopōní. Naʻá Ne folofola ʻo pehē:

“ʻOku ʻi ai ha mou niʻihi ʻoku puke ʻiate kimoutolu? … ʻOku ʻi ai hamou niʻihi ʻoku ketu, pe kui, … pe puke ʻi ha mahaki ʻe taha? ʻOmi ʻa kinautolu ki heni pea te u fakamoʻui ʻa kinautolu, he ʻoku ou ʻofa mamahi kiate kimoutolu” (3 Nīfai 17:7).

Sio ki he founga tali ʻa e kau ākonga ko ia he kuonga muʻá.

“Naʻe ōmai … ʻa e fuʻu kakaí kotoa pē, mo honau kakai mahakí … pea mo kinautolu kotoa pē naʻa nau puke ʻi ha faʻahinga mahaki; pea naʻá ne fakamoʻui ʻa kinautolu” (3 Nīfai 17:9).

ʻOku ou ʻilo ʻoku moʻui ʻa Sīsū Kalaisi pea ʻokú Ne kei hoko pē ko e Faifakamoʻui angavaivaí. ʻI heʻetau tali ʻEne fakaafe ke ʻomi hotau ngaahi kaungāmeʻá mo e fāmilí kiate Iá, te Ne fakamoʻui kinautolu ʻi he founga pē ʻAʻana.

“Pea naʻa nau punou hifo kotoa pē, ʻa kinautolu kuo fakamoʻuí pea mo kinautolu foki naʻe moʻui leleí, ʻi hono lalo vaʻé, ʻo nau hū kiate Ia” (3 Nīfai 17:10).

Tau takitaha omi kia Kalaisi ʻi heʻetau ʻomi e niʻihi kehé kiate Ia ʻi he faʻahitaʻu Toetuʻu ko ʻení.