Fakamanatua ʻo e Fakamoʻuí

Tā fakatātā ʻa Katelyn Budge

ʻOku ou saiʻia he taimi Toetuʻú. ʻOku ou saiʻia ʻi he fakataha mai ko ha fāmili ke fakamanatua e toe tuʻu hake ʻa Sīsū Kalaisi mei he maté. ʻOku ou fiefia maʻu pē ʻi heʻeku feohi mo hoku fāmilí, ka ʻoku toe fakaofo ange ʻa e fakakaukau ki he ngaahi meʻa kotoa kuo fai ʻe he Fakamoʻuí maʻatautolú.

ʻI he taimi ʻoku mau teuteu ai ki heʻemau kumi fuaʻimoa fufū he Toetuʻú, ʻoku mau faʻo ha ʻū potufolofola ʻi loto ʻi he fuaʻimoá. ʻOku mau lau e folofolá ʻi heʻemau maʻu e fuaʻimoá lolotonga e kumi fuaʻimoá. Naʻe ʻi ai ha taimi ʻe taha naʻa mau ngaohi ai ha kiʻi fonualoto. Pea ne mau hiki leva ʻa e meʻa kotoa pē ʻoku mau hohaʻa ki aí, ʻo faʻo ia ki loto ʻi he fonualotó, pea fokotuʻu ha foʻi maka ʻi muʻa ai. ʻI he ʻaho hono hokó, kuo toʻo kotoa e ʻū laʻipepá—ʻo fakamanatu mai e founga ʻe lava ke tokoniʻi ai kitautolu ʻe he Fakamoʻuí ʻi heʻetau ngaahi loto-hohaʻá.

Ko hoku Kaungāmeʻa Fakalangi mo haohaoá ʻa Sīsū Kalaisi. ʻOku ou ʻiloʻi ʻe tatau ai pē pe ko e hā ha meʻa ʻe hoko, te Ne ʻafioʻi lelei pē au.