Ko e hā ʻoku tau ʻilo fekauʻaki mo e kau tauhisipi ʻi he ʻuluaki Kilisimasí?

Shepherds [Kau Tauhisipí], tā fakatātā ʻa Brian Call

ʻOku tau ʻilo ha ngaahi meʻa siʻi fekauʻaki mo e kau tauhisipi ʻi he ʻuluaki Kilisimasí.

Naʻa nau ofi ki Pētelihema. Naʻe “ʻi he fonua ko iá” ʻa e kau tauhisipí ʻa ia naʻe hoko ai hono ʻaloʻi ʻo Kalaisí (Luke 2:8). Pea naʻe lava ke nau aʻu ki Pētelihema lolotonga ʻEne kei ʻi aí (vakai, Luke 2:15–16).

Naʻa nau fakahoko honau fatongiá. Ko e kau tauhisipi ko ʻení naʻa nau “nofo ʻi he ngoué, ʻo leʻohi ʻenau fanga sipí ʻi he poʻulí” (Luke 2:8). Ko ha kau tauhisipi lelei mo faivelenga kinautolu, ʻo hangē ko e Fakamoʻuí—ko e Tauhisipi Leleí (vakai, Sione 10:11, 14).

Naʻa nau ʻiloʻi ʻa e ngaahi kikite ʻa e Mīsaiá. Naʻa nau ʻiloʻi ʻa e meʻa naʻe lea ʻaki ʻe he ʻāngeló ʻi he taimi naʻá ne fakahā ai hono ʻaloʻi ʻo “Kalaisi ko e ʻEikí” (Luke 2:11), naʻe kikiteʻi ʻe he Mīsaiá ʻa e kuonga muʻá.

Naʻa nau maʻu ha loto-vekeveke. ʻI hono talaange ʻe he ʻangeló fekauʻaki mo e “tamasiʻi … [naʻe] tokoto ia ʻi he ʻaiʻangakai ʻo e manú” (Luke 2:12), naʻa nau “omi fakavave” ke mamata kiate Ia (Luke 2:16).

Naʻa nau vahevahe ʻa e ongoongo leleí. Naʻa nau “[fakahoko holo]” ʻa e meʻa kuo nau fanongo mo mamata ki ai fekauʻaki mo e pōpoaki ʻa e ʻāngeló fekauʻaki mo hono ʻaloʻi ʻo Kalaisí (Luke 2:17).

Naʻa nau fakamālō mo fakahīkihikiʻi ʻa e ʻOtuá. Hili kotoa ʻení, naʻa nau “liu mai … ʻo fakamālō mo fakafetaʻi ki he ʻOtuá koeʻuhi ko e ngaahi meʻa kotoa pē kuo nau fanongo mo mamata aí” (Luke 2:20).