Ko Hono Maʻu ʻo e Fiefiá ʻi he Ngāue Tokoní

ʻŪ tā fakatātā ʻa Katelyn Budge

ʻI ha Tīsema ʻe taha, naʻá ku fokotuʻu ange ki hoku fāmilí ke mau fai ha feinga paʻanga ke tokoni ki he masivá ʻi he Kilisimasí. ʻOku ou ʻilo kapau ʻoku ʻikai ke ʻi ai haʻo ʻapi, ʻoku ʻikai faingofua ke maʻu ha paʻanga pe meʻakai, pea naʻá ku ongoʻi fakaʻofaʻia ʻi he ʻikai aʻusia ʻe ha kakai ʻe niʻihi ʻa e Kilisimasí.

Naʻe tānaki ʻe hoku fāmilí ha meʻakai mo ha ngaahi meʻa vaʻinga pea foaki ia ki he kakai faingataʻaʻiá. Naʻá ku fiefia koeʻuhí naʻe teʻeki ke u fai ha meʻa pehē kimuʻa. Naʻe houngaʻia ʻaupito ʻa e kakaí, pea naʻá ku ongoʻi fiemālie ʻi heʻeku tokoniʻi kinautolu ʻi ha founga lelei mo ʻai ke nau ongoʻi ʻoku tokangaʻi kinautolu. Naʻá ne ʻai ke u ongoʻi vāofi ange mo e Fakamoʻuí koeʻuhí he ko ha tokotaha angaʻofa mo tokanga Ia. Naʻe fakamālohia hoku vā fetuʻutaki mo Iá ʻi heʻeku fakafōtunga Hono ngaahi ʻulungāngá.

ʻOku ou tui ko e ngāue fakaetauhí ʻoku fekauʻaki ia mo hono ʻiloʻi ʻa e kakai ʻoku mou feohí. ʻOku fekauʻaki ia mo e vakai ki he meʻa te ke lava ʻo faí, neongo kapau ʻoku siʻisiʻi, ke fai ha tokoni ʻi he moʻui ʻa ha taha.