Mālohi ʻo e Lotú

Tā fakatātā ʻa Katelyn Budge

ʻOku ou saiʻia ke lotu. ʻOku ou lotua ʻeku faʻeé ke tokoniʻi ia ke ne ʻilo ʻa e ngaahi meʻa naʻe mole meiate iá. ʻOku ou lotua hoku tokouá ʻi he taimi ʻoku ʻamanaki ke fai ai haʻane siví. ʻOku ou lotu foki ʻi he akó mo e lolotonga ʻo e mālōlō siʻí, he ʻoku tokoniʻi au ʻe he lotú ke u fai ha ngaahi fili lelei ange.

Te u lava ʻo kiʻi loto-fefeka, pea ʻoku ou lotua ha tokoni ke u ikunaʻi foki ia. ʻOku ou faʻa fakakikihi ʻi he taimi ʻe niʻihi mo hoku tokoua lahí, pea ʻoku ou fiemaʻu ʻa e tokoni ʻa e Tamai Hēvaní ke u kole fakamolemole mo fakamolemoleʻi ia. ʻI ha taimi ʻe taha, naʻe ʻikai ke u fie fai ha fika ʻi he akó. Naʻá ku kole tokoni ki he Tamai Hēvaní, pea naʻá ku lava ʻo ikunaʻi ʻeku loto-fefeká mo fai ʻa e ngaahi foʻi fika ko iá.

ʻOku ou feinga mālohi ʻaupito ke talangofua mo fai ʻa e meʻa ʻoku kole mai ʻe he Tamai Hēvaní ke u faí, neongo ʻene faingataʻá. ʻOku ou ʻiloʻi ʻokú Ne tokoniʻi au ʻi heʻeku lotú.