Pao N.

Faitā ʻa Ashlee Larsen

Naʻá ku faʻa fakakina lahi ʻi he akó kimuʻa peá u hoko ko ha mēmipa ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Naʻe lahi ʻeku faʻa kau ʻi he fuhú pea naʻe ʻikai ke u fuʻu maʻu ha ngaahi ʻulungaanga lelei. Ka naʻe liliu ʻa e meʻa kotoa pē hili ʻeku feʻiloaki mo e ongo faifekaú mo ongoʻi ʻa e Laumālie Māʻoniʻoní.

Naʻá ku manavasiʻi ʻaupito ke u haʻu toko taha ki he lotú. Naʻá ku fakakaukau, “Ko hai te u tangutu mo iá?” Ka naʻe talitali lelei au ʻe he kakai ʻo e Siasí ʻi Mōsí. Naʻe hangē ia ha fāmilí.

ʻOku ou saiʻia ke ʻalu ʻi he taimí ni mo e kau faifekaú ʻi he taimi ʻoku fai ai ʻenau lēsoní. ʻOku nau saiʻia ai ʻi he taimi ʻoku ou fakamatalaʻi ai ʻa e founga kuo tokoniʻi ai au ʻe he ʻOtuá mo Kalaisi pea mo e Laumālie Māʻoniʻoní lolotonga ʻeku moʻui fakaʻahó.