1:40

Faʻu ha Foʻi Fetuʻu ʻOlikami

ʻI he taimi naʻe ʻaloʻi ai ʻa Sīsū Kalaisí, naʻe hā mai ha fetuʻu foʻou (vakai, Hilamani 14:5; Mātiu 2:2). Faʻu ha foʻi fetuʻu ʻolikami ko ha founga ke manatu ai kiate Ia!

Kosi ʻo toʻo ʻa e sīpinga penitakoní (pe tā ia ki ha pepa foʻou pea kosi ʻo toʻo), pea muimui leva ki he ngaahi fakahinohino ʻi he vitioó. Tautau ʻa e foʻi fetuʻú ʻi hoʻo fuʻu ʻakau Kilisimasí pe ʻi ha feituʻu kehe te ke lava ʻo sio maʻu pē ki ai.

ʻI ha ngaahi fonua ʻe niʻihi, ʻoku tau ʻe he kakaí ha ngaahi maama Kilisimasi ʻi honau ngaahi ʻapí pe ʻulu ʻakaú. ʻE lava ke fakamanatu mai ʻe he ngaahi maama Kilisimasí ke tau “fakamaama ʻa e māmaní.” Kae mahuʻinga angé, te nau lava ʻo fakamanatu mai kiate kitautolu ʻa e “maama ʻo māmaní,” ʻa Sīsū Kalaisi (Sione 8:12).

ʻOku fokotuʻutuʻu fakalanu ʻa e ngaahi maama Kilisimasi ʻi he konga ko ʻení, ʻi ha ngaahi sīpinga. Te ke lava nai ʻo kumi ha feituʻu ʻe ono ʻoku ʻikai muimui ai ʻa e ʻū lanú ki heʻenau sīpingá?

Ko e hā hono lahi hoʻo ʻilo ki he ʻuluaki Kilisimasí, ʻi he taimi naʻe ʻaloʻi ai ʻa Sīsū Kalaisí? Siviʻi hoʻo ʻiló ʻaki ʻa e kiʻi sivi moʻoni-pe-hala ko ʻení.

1. Naʻe ʻaloʻi ʻe Mele ʻa Sīsū ʻi he kolo ko Nāsaletí. (Luke 2:4)

   Moʻoni

   Hala

2. Naʻe ʻalu ʻa Siosefa mo Mele ki Pētelihema ke fakamanatu ʻa e Laka Atú. (Luke 2:4–5)

   Moʻoni

   Hala

3. Naʻe fakatokoto ʻe Mele ʻa Sīsū ʻi ha ʻaiʻangakai ʻo e manú. (Luke 2:7)

   Moʻoni

   Hala

4. Naʻe ʻikai ʻaʻahi ʻa e kau tangata potó kia Sīsū ʻi he pō naʻe ʻaloʻi ai Iá, ka naʻa nau toki ʻaʻahi kimui ange. (Mātiu 2:11)

   Moʻoni

   Hala

5. Naʻe ʻomi ʻe he kau tangata potó ʻa e koula, laipeno, mo e kolove ko ha meʻaʻofa maʻá e Fakamoʻuí. (Mātiu 2:11)

   Moʻoni

   Hala

Ko ha Kiʻi Sivi ki he ʻUluaki Kilisimasí: 1: Hala (Pētelihema). 2: Hala (ke fakatukuhauʻi). 3: Moʻoni. 4: Moʻoni. 5: Hala (koula, laipeno, mo e mula).

Ngaahi Sīpinga ʻo e Māmá: