Kau Tangata Potó—mo e Toʻu Tupú—Fekumi Kiate Ia

ʻOku fakamatalaʻi ʻe he folofolá ʻa e talanoa ʻo e kau tangata poto naʻa nau fekumi fakamātoato ki he ngaahi fakaʻilonga ʻo hono ʻaloʻi ʻo e Mīsaiá (vakai, Mātiu 2:1–2). ʻI heʻenau ʻiloʻi ʻa e fakaʻilongá, naʻa nau muimui faivelenga ki hono māmá ke nau lava ʻo “ʻilo” Ia. Naʻe anga fēfē ʻenau ʻilo ʻa e fakaʻilonga ko ʻení?

Mahalo naʻe pau ke fakamoleki ʻe he kau tangata potó ha taimi lahi ke ako fekauʻaki mo e ngaahi kikité koeʻuhí ke nau fakatokangaʻi ʻa e ngaahi fakaʻilongá ʻi heʻenau hoko maí. Mahalo naʻa nau fekumi ki he ngaahi fakaʻilonga ko ʻeni ʻo hono ʻaloʻi ʻo e Fakamoʻuí mei heʻenau kei talavoú.

ʻI he faʻahitaʻu ko ʻení, ʻi heʻetau fanongo ki he ngaahi fakaafe leʻolahi mo fakatauvele ʻokú ne tohoakiʻi kitautolu mei hono fakamanatua moʻoni ʻo Hono ʻaloʻí, ʻofa ke tau fekumi fakamātoato kiate Ia. ʻOfa ke tau ako ʻa e folofolá mo ʻiloʻi ʻEne ngaahi fakaʻilongá. ʻOfa ke tau fakatokangaʻi ʻEne ngaahi ngāué, ʻEne Fakaleleí, ʻEne folofolá, ʻEne melinó, mo ʻEne ʻofá. ʻOku ou fakaafeʻi kimoutolu ke mou fekumi fakamātoato kiate Ia ʻi hoʻo lau ʻa e ngaahi fakamatala ʻi he makasini ko ʻení pea hangē ko e kau tangata poto ʻo e kuonga muʻá, kumi kiate Ia.