Ano ang alam natin tungkol sa mga pastol sa unang Pasko?

Shepherds [Mga Pastol], ni Brian Call

Kaunti ang alam natin tungkol sa mga pastol sa unang Pasko.

Malapit sila sa Bethlehem. Ang mga pastol ay nasa “parehong bansa” kung saan ipinanganak si Cristo (Lucas 2:8). At nakarating sila sa Bethlehem nang naglalakad habang naroon pa Siya (tingnan sa Lucas 2:15–16).

Ginagawa nila ang kanilang tungkulin. Ang mga pastol na ito ay “nasa parang na nagbabantay sa kanilang kawan sa gabi” (Lucas 2:8). Sila ay mabubuti at matatapat na pastol, tulad ng Tagapagligtas—ang Mabuting Pastol (tingnan sa Juan 10:11, 14).

Alam nila ang mga propesiya tungkol sa Mesiyas. Malinaw na alam nila ang sinasabi ng anghel nang ibalita niya ang pagsilang ni “Cristo, ang Panginoon” (Lucas 2:11), ang Mesiyas na ipinropesiya noon.

Napakasigasig nila. Nang sabihin sa kanila ng anghel ang tungkol sa “sanggol na … nakahiga sa isang sabsaban” (Lucas 2:12), sila ay “nagmamadaling” pumunta upang makita Siya (Lucas 2:16).

Ibinahagi nila ang mabuting balita. “Ipinaalam” nila ang mga narinig at nakita nila hinggil sa mensahe ng anghel tungkol sa pagsilang ni Cristo (Lucas 2:17).

Sila ay nagpasalamat at nagpuri sa Diyos. Matapos ang lahat ng ito, sila ay “bumalik … na niluluwalhati at pinupuri ang Diyos dahil sa lahat ng kanilang narinig at nakita” (Lucas 2:20).