“ʻE founga fēfē nai haʻaku fiefia ʻi he ngaahi lelei ʻo e tekinolosiá mo kei fakaʻehiʻehi mei hono ngaahi nunuʻa koví?”

“Fakahoko ʻa e ngaahi meʻa iiki ʻokú ne ʻomi kitautolu ke ofi ange ki he ʻOtuá, hangē ko e lau folofolá, lotu fakatāutahá, pe maʻu ʻa e sākalamēnití. Fakaafeʻi ʻa e Laumālié ke nofoʻia ʻiate koe.”

ʻEla C., 16, ʻAlapama, USA

“Fakaʻaongaʻi ha taimi ke ako e anga ʻa e ngāue hoʻo ngaahi meʻangāué mo e founga te nau lava ai ʻo tākiekina hoʻo moʻui fakalaumālié. Tokanga ki he taimi ʻokú ke fakamoleki ʻi hoʻo ngaahi meʻangāué mo e ngaahi polokalama ʻokú ke fakaʻaongaʻí. Fokotuʻu ha ngaahi fakangatangata mahino ki he founga te ke fakaʻaongaʻi ai ʻa e tekinolosiá.”

Māteni K., 25, Kananga, Lepupelika Temokalati ʻo Kongokoú

“Ko e kií ko e muimui ki he Laumālié. ʻOku ʻi ai ha ngaahi founga kovi ke fakaʻaongaʻi ai ʻa e tekinolosiá, ka ʻoku ʻi ai foki ha ngaahi founga lelei. Ko e taha ʻo e ngaahi founga ʻoku ou fakaʻaongaʻi ai e tekinolosiá ki he leleí ko hoku uiuiʻi ko e palesiteni ʻo e kōlomu ʻo e kau tīkoní. ʻOku ou fetuʻutaki ki he kau tīkoni kehé ʻi he text pe tā telefoní.”

Hailame M., 13, Siōsiā, USA

“Kuo pau ke tau fakaʻaongaʻi lelei ʻa e tekinolosiá ke fakamafola e maama ʻo e Fakamoʻuí ki he kakai kotoa pē. ʻOku ʻuhinga ʻa e hoko ko ha ākonga ʻa Kalaisí ke tau hangē ko Iá, pea kuo pau ke tau tui mo muimui ʻi he hala ʻo e māmá.”

Sūlia B., , Penamapuko, Palāsila

“ʻOku ou fokotuʻu ha taumuʻa pau pea lotu kimuʻa peá u fakaʻaongaʻi ʻa e tekinolosiá ke ʻoua ʻe takihalaʻi au. Te u lava ʻo fakahoko ha ngaahi meʻa mahuʻinga lolotonga hono fakaʻaongaʻi e tekinolosiá, kau ai hono vahevahe ʻa e ongoongoleleí, kae ʻikai takihalaʻí.”

ʻIlaisiā U., 20, Lākosi, Naisīlia