“ʻOku ʻi ai ʻa e faʻahinga ʻo e tangatá koeʻuhi ke nau maʻu ʻa e fiefiá” (2 Nīfai 2:25). Fakaafeʻi ha kiʻi fiefia ki hoʻo moʻuí ʻaki hano faʻu ha fakalea fakaoli ki he laʻitā ko ʻení. ʻĪmeili hoʻo fakaleá ki he ftsoy@ChurchofJesusChrist.org kimuʻa ʻi he ʻaho 15 ʻo Sepitemá.

Vakaiʻi ha niʻihi ʻo e ngaahi fakalea fakaoli mei he feʻauhi ʻi Fēpueli 2024!

Laieni P.—“Ko au ʻi heʻeku fakatokangaʻi naʻe fuʻu pongipongia ʻeku ʻā ki he seminelí.”

Meipili mo Tate L.—“Toe pē sitepu ʻe 7,000,569 pea aʻu ki he fonua ʻo e talaʻofá, ka ko hai ʻokú ne laú?”

ʻOsitini S.—“Fakatomala pea tafoki mei he fakapoʻulí. Sitepu ʻe taha ofi ange ki hēvani.”

ʻĪteni R.—“Te u ʻalu, te u fakahoko!”

Sēmisi A.—“Meʻa naʻe sio ki ai e ngaahi tokoua ʻa Nīfaí ʻi he lue foki atu ʻa Nīfai kiate kinautolu ʻokú ne tui e teunga tau ʻo Lēpaní.”

ʻEla M.—“Ko e foha ngalikehe ʻo ʻIsimelí ʻi heʻene ʻiloʻi ne liʻaki iá.”

ʻOku fekauʻi ʻi he Tokāteline mo e Ngaahi Fuakava 93:43 ʻa e kau taki ʻo e Siasí ke “fakamaau ho fale ʻoʻoú.” ʻI he pāsolo ko ʻení, “fakamaau” ho “falé” ʻaki hono fikaʻi e fika ke hū ai ʻi he matapā ʻi muʻá.

ʻOku ʻomi ʻe he ʻotu takitaha ha mataʻifika ʻe tolu ʻe lava ʻo fakaʻaongaʻi pe ʻikai ke faʻu ʻa e kouti fakaʻosí. Muimuiʻi ko e fē fika ʻoku hū (pe ʻikai hū) ki he tuʻunga fē ke mateʻi ʻa e pāsoló!

361

ʻOku tonu ʻa e mataʻifika ʻe taha ka ʻoku ʻi ha feituʻu hala.

372

ʻOku tonu ʻa e mataʻifika ʻe taha pea ʻi he feituʻu totonu.

185

Hala ha meʻa ʻe tonu.

694

ʻOku tonu ha mataʻifika ʻe ua ka ʻoku ʻi ha feituʻu hala.

197

ʻOku tonu ʻa e mataʻifika ʻe taha ka ʻoku ʻi ha feituʻu hala.

Kouti ʻo e Falé:

Kiʻi tokoni: Sio ki he 694, ʻa ia ʻoku tonu ai ha mataʻifika ʻe ua. ʻOku toutou ʻasi ha taha ʻo e ngaahi fika tonu ko iá ʻi ha feituʻu kehe ʻi ʻolunga.

ʻI he Tokāteline mo e Ngaahi Fuakava 86:1–7, ʻoku fakamatalaʻi ʻe he ʻEikí ʻa e talanoa fakatātā ʻo e uité mo e teá.

Te ke lava nai ʻo fakaʻilongaʻi tonu ʻa e “tea” ʻe 20 ʻi he pāsolo mataʻifika ko ʻení?

Ngaahi Fakahinohinó:

• ʻOku talamai ʻe he puha fakafika takitaha ʻa e lahi ʻo e tea ʻoku takatakai aí. ʻE lava ke maʻu ʻa e teá ʻi ha faʻahinga puha pē ʻoku tafaʻaki pe tuliki tatau mo e puha ʻoku fakafiká.

• ʻOku ʻikai ke ʻi ai ha tea ʻi he ngaahi puha kuo fakafikefiká.

Fikaʻi e Fika ʻo e Falé: 476

Kumi ʻa e Teá: