Fakapaheke Sinou mo Lotu

Tā fakatātā ʻa Katelyn Budge

Naʻá ku hē ʻi haʻamau ʻalu ʻo fakapaheke he sinoú ʻi Suēteni mo hoku fāmilí. Naʻá ku kiʻi ongoʻi ilifia mo fifili pe ko e hā e meʻa ke faí. Naʻe ʻikai ke ʻiate au ʻeku telefoní. ʻI heʻeku fuʻu fiemaʻu tokoní, naʻá ku vete ʻeku meʻa fakapaheké pea tūʻulutui ʻo lotu ke tokoni mai ʻa e ʻOtuá ke u ʻiloʻi ʻa e hala foki ki heʻeku ongomātuʻá.

Naʻá ku ongoʻi ha leʻo ʻi hoku ʻatamaí, ʻa ia naʻe hangē naʻe pehē mai, “Ko e hala ʻeni ʻoku fiemaʻu ke ke muimui aí. ʻOkú ke ʻi he hala totonú.” Naʻá ku ongoʻi nonga moʻoni, pea naʻe ʻikai ke u fuʻu hohaʻa fēfē. Naʻá ku ongoʻi naʻe nonga māmālie hoku lotó. Naʻá ku fakakaukau, “Pau pē ko ha fekau ʻeni mei langi.”

Naʻá ku toe tui ʻeku meʻa fakapaheké pea kamata ke u fakapaheke. ʻI heʻeku aʻu ki heʻeku ongomātuʻá, naʻá ku fuʻu ʻohovale. Naʻá ku maʻu ha founga, ʻo fakafou ʻia Sīsū Kalaisi.

Kapau ʻokú ke faingataʻaʻia, lotu ki he Tamai Hēvaní ʻi he huafa ʻo Sīsū Kalaisí. Te Na tokoniʻi koe ʻo kapau te ke tui moʻoni kiate Kinaua.