ʻOku Founga Fēfē Hoʻo Ongoʻi e ʻOfa ʻa e ʻOtuá?
Ngaahi Tali mei he Toʻu Tupú
Ko e vahevahe ʻe he toʻu tupú ha ngaahi founga ʻoku nau ongoʻi ai e ʻofa ʻa e Tamai Hēvaní ʻi heʻenau moʻuí.
Tā fakatātaaʻi ʻe Emily Jones
Siasí
“ʻAlu ki he lotú mo fakahoko ha ngaahi fuakava toputapu.”
Sesimani V., 20, Sepū, Filipaini
“ʻAlu ki he lotú mo tataki e ngaahi kalasi ʻa e Kau Finemuí!”
ʻEtiliana P., 13, Veisinia, USA
Ngaahi Fakatahaʻanga Kehé
“ʻI he ʻalu ki he seminelí mo e ako lahi ange fekauʻaki mo Sīsū Kalaisí!”
Lepeka C., 16, Uāsingatoni, USA
“ʻI he ʻalu ki he ngaahi fakatahaʻanga ʻa e toʻu tupú hangē ko e kemi ʻa e Kau Finemuí, FSY, mo e konifelenisi ʻa e toʻu tupú.”
Sofia C., 15, Kalefōnia, USA
Ngāue Tokoni
“ʻI heʻeku angaʻofa, tokoni, mo tauhi ki he niʻihi kehé, ʻoku ou ongoʻi e ʻofa ʻa e ʻOtuá kiate kinautolú pea mo ha kiʻi konga ʻo e lahi ʻEne ʻofa ʻiate aú.”
Naomi W., 17, Niu ʻIoke, USA
“ʻI he taimi ʻoku ou tokoni ai ki he niʻihi kehé, ʻoku fakaʻatā au ke u hangē ange ko Iá.”
RJ E., 17, Kalolaina Tokelau, USA
Loto-houngaʻia
“ʻI heʻeku mamata ki he fanga kiʻi mana fakaʻaho kuó Ne ʻomi kiate aú.”
Sitinī V., 15, Tekisisi, USA
“ʻI he taimi ʻoku tonu ai ha meʻa ʻi heʻeku moʻuí naʻe ʻikai ke u mei lava ʻo fakahoko tokotaha.”
ʻEpi H., 17, ʻIutā, USA
Natula
“ʻI he ngaahi feituʻu lōngonoa ʻi tuʻá.”
Keiti G., 17, ʻAitahō, USA
“Ngaahi efiafi nonga ʻi he meʻalelé ʻoku tuku hifo e sioʻatá ki lalo.”
Kaoli S., 16, ʻIutā, USA
Ko e Temipalé
“ʻOku ou ongoʻi ia he taimi kotoa ʻoku ou ʻi he temipalé aí! ʻOku ou ʻiloʻi ko e temipalé ko e fale ia ʻo e ʻEikí.”
Luʻisa M., 16, Vahefonua Fetaloló, Palāsila
“Ko e taimi kotoa pē ʻoku ou ʻalu ai ki he temipalé, ʻoku ou ongoʻi ha nonga mo e ʻofa mei heʻetau Tamai Hēvaní.”
ʻĀlisi O., 18, ʻOloto Palana, Palakuai
Ako ʻo e Ongoongoleleí
“Talanoa mo hoku fāmilí fekauʻaki mo e folofolá.”
Lose J., 15, Lisiponi mo e Vahefonua Kaseliá, ʻAilani Tokelau
“Fanongo ki he ngaahi lea ʻo e konifelenisi lahí.”
ʻIlaisa B., 16, ʻOlikoni, USA
Lotu
“Fakafou ʻi he nonga mo e māfana ʻokú Ne foaki mai kiate au ʻi he taimi pē ʻoku ou lotua ai ʻEne tokoní.”
ʻEli W., 18, Meini, USA
“Fakafou ʻi hono lotua ʻo e niʻihi kehé.”
ʻAlekisio D., 17, ʻIutā, USA
Mūsiká
“Fakafou ʻi he hivá! ʻOku fakamanatu mai ʻe hono fakaʻofoʻofá ʻa e masani ʻo e ʻOtuá mo e ʻaloʻofa ʻokú Ne fakahā mai kiate kitautolú.”
Tesa L., 18, Niu Mekisikou, USA
“ʻOku ou ongoʻi e ʻofa ʻa e ʻOtuá ʻi he fanongo ki he hiva StrivetoBe!”
ʻIva C., 17, Kalefōnia, USA
Ko e Kakai Kehé
“ʻI he taimi ʻoku ou faingataʻaʻia aí pea ʻomi ʻe he ʻOtuá ha kiʻi pōpoaki ʻo fakafou ʻi ha taha kehe.”
Vikatōlia R., 15, ʻIutā, USA
“ʻOku ou ongoʻi e ʻofa ʻa e ʻOtuá ʻi he taimi ʻoku ou feohi ai mo e kakai ʻoku ou ʻofa taha aí!”
Kaili T., 17, ʻAitahō, ʻAmelika