Ko Hono Ongoʻi e ʻOfa ʻa e ʻOtuá

ʻI he taimi naʻá ku hoko ai ko ha palesiteni fakakalasi ʻa e Kau Finemuí, naʻa mau kamata mo ha tamaiki fefine pē ʻe toko nima ʻi he kalasí. Ka naʻe hiki mai ha kiʻi taʻahine foʻou, pea naʻa mau loto ke tokoniʻi ia ke ne ongoʻi ʻoku talitali lelei mo fakakau ia.

ʻI heʻeku kamatá naʻe ʻikai ke u fuʻu ʻiloʻi lelei ia, ka naʻá ku feinga ke u angalelei makehe kiate ia. Hili ha kiʻi taimi siʻi, naʻe hoko pē ʻa e “angalelei makehé” ko e angalelei angamahení ʻi heʻene hoko ko hoku kaungāmeʻá. Naʻe kamata ke mahino kiate au ʻa e ʻofa ʻa e ʻOtuá ki Heʻene fānaú. Naʻe lava ke u ongoʻi ʻa e ʻofa ko iá ki he tamaiki fefine ʻi heʻeku kalasí. ʻOku tokoni ʻeku tokoniʻi ʻa e niʻihi kehé ke u ongoʻi ha ʻofa moʻoni kiate kinautolu.

ʻOku ou ʻilo te tau lava ʻo falala kia Sīsū Kalaisi ʻi ha faʻahinga meʻa pē. ʻI he taimi ʻoku ou faingataʻaʻia aí mo e taimi ʻoku ou fiefia aí, kapau ʻoku ou ongoʻi ʻoku fakaʻofoʻofa ʻeku moʻuí, pe kapau ʻoku ou ongoʻi ʻoku fehangahangai mo ia, ʻokú Ne ʻi ai maʻu pē.