ʻAia O.

Faitā ʻa Ashlee Larsen

ʻOku ou faingataʻaʻia ʻi he taimi ʻe niʻihi ʻi he feohi mo e kakai kehé. Ka kuo tokoniʻi au ʻe heʻeku tamaí ke u lotua ia. Kuo tokoniʻi au ʻe he lotú ke u pehē, “Te u fakahoko pē ʻeni,” kae ʻikai ko e fakaʻehiʻehi mei ha ngaahi tūkunga pau ʻo hangē ko ia kimuʻá.

Kuo tokoniʻi foki au ʻe he lotú ʻi ha ngaahi taimi kehe. Naʻe toki fakahoko pē ʻeku sivi fakataʻú, pea ko e taimi kotoa pē naʻe ʻi ai haʻaku palopalema ʻi ha fehuʻi, naʻá ku kole tokoni ki he ʻOtuá.

ʻI he taimi ʻe taha, naʻe kole mai ai ke u lea ʻi he houalotu sākalamēnití. Naʻá ku fakakaukau, “Te u lava nai ʻo fai ha meʻa lahi ange ʻi he tuʻu pē ʻo lau ʻeku leá?” Naʻá ku fakakaukau ke fehuʻi ki he ʻOtuá pe te u lava fēfē ʻo fai ha lea ʻe tokoni ki he kakaí. Naʻá ku manavasiʻi pea ʻikai haohaoa ʻeku fakahoko iá, ka naʻe mālie ʻa e tokoni mai ʻa e ʻOtuá ke u ʻiloʻi e founga ke fakahoko ai ha lea lelei angé.

Ko e lotu fakatāutahá ko ha meʻa ia te ke lava ʻo malu ai. ʻOku ʻikai ke ʻi ai ha kakai kehe te nau lava ʻo ʻalu atu ʻo fakamaauʻi pe talaatu, “Naʻe hala hoʻo leá.” ʻI heʻeku lotú, ko au pē ia mo e ʻOtuá.