Mateuteu ke Fiefia?

Mālō e lelei, ngaahi kaungāmeʻa fakaʻofoʻofa ʻi he funga ʻo e māmaní!

ʻOku ou saiʻia ʻaupito ʻi he makasini ko ʻení. ʻI heʻeku kei taʻu tatau mo kimoutolú pea nofo ʻi ʻĀsenitiná, ko e Liahoná pē naʻe aʻu mai ki homau fonuá. Meʻamālié, naʻe kau ai ha ngaahi fakamatala maʻá e toʻu tupú. ʻOku ou faʻa lau ia kimuʻa peá u mohé. Naʻá ku saiʻia ʻi he ngaahi fakamatalá koeʻuhí naʻa nau ʻomi ha ʻamanaki lelei, pea ne u ongoʻi e fakamoʻoni ʻa e Laumālié ki he ngaahi moʻoni ʻa e ʻOtuá.

ʻI he ngaahi ʻahó ni, ʻoku aʻu ʻa e makasini ko ʻení ki he meimei fonua kotoa pē ʻi he māmaní! Neongo ʻoku ʻikai ke u toe lau ia kimuʻa peá u mohé, ka ʻoku ou kei lau pē mo ako mei ai ʻi he māhina kotoa.

ʻI heʻeku lave ki he akó, ʻoku fakaofo kiate au neongo te tau lava ʻo maʻu ha ʻilo lahi ange he ʻahó ni ʻi he tekinolosia foʻoú ʻo laka ange he kuonga ʻo ʻetau ngaahi kuí, ka ʻoku kei akoʻi pē ʻe he ʻOtuá ʻEne moʻoní ʻi he founga tatau! Ko e hā ʻa e founga ko iá? Lau ʻa e meʻa ʻoku akoʻi ʻe ʻEletā Kuenitini L. Kuki ʻi he “Ko Hoʻo Fekumi ki he Moʻoní” (peesi 2)!

Pea ʻoku ou tui ʻoku mou ʻiloʻi e ʻuhinga ʻo e potó, kae fēfē ʻa e poto fakaelotó? Vakaiʻi ʻa e “Ko Hoʻo Tokoni ʻi he Poto Fakaelotó” (peesi 6) ke ʻilo ki ai!

Kuó ke mateuteu ke fiefia, ako, mo ongoʻi ʻa e Laumālié? Lau leva ia!