« ពិធីបុណ្យជ្រមុជទឹកគឺជាអំណោយដ៏រីករាយមួយ » ប្រិយមិត្ត ខែមករា ឆ្នាំ២០២៦ ទំព័រ ២–៣ ។
មកពីគណៈប្រធានអង្គការបឋមសិក្សា
ពិធីបុណ្យជ្រមុជទឹកគឺជាអំណោយដ៏រីករាយមួយ
ខ្ញុំធ្លាប់បាននិយាយជាមួយក្មេងប្រុសម្នាក់ដែលភ័យខ្លាចអំពីការទទួលបុណ្យជ្រមុជទឹក ។ គាត់បារម្ភថា គាត់នឹងត្រូវទទួលខុសត្រូវចំពោះរាល់អំពើបាបទាំងអស់របស់គាត់ ។
ខ្ញុំបានប្រាប់គាត់ថា ពិធីបុណ្យជ្រមុជទឹកគឺជាអំណោយដ៏រីករាយមួយ ហើយគាត់មិនចាំបាច់ភ័យខ្លាចនោះទេ ។ នៅពេលដែលក្មួយជ្រមុជទឹកហើយ ព្រះវរបិតាសួគ៌អាចជួយក្មួយ បន្ថែម ទៀតបាន ! ប្រធាន ណិលសុន បានបង្រៀនថា នៅពេលដែលក្មួយទទួលបុណ្យជ្រមុជទឹក ហើយធ្វើ សេចក្តីសញ្ញា ជាមួយនឹងព្រះ នោះទ្រង់នឹងមិនបោះបង់ចោលការជួយក្មួយឡើយ ។* ព្រះវរបិតាសួគ៌អញ្ជើញក្មួយឲ្យទទួលអំណោយនៃព្រះវិញ្ញាណបរិសុទ្ធ ដើម្បីដឹកនាំក្មួយនៅពេលដែលក្មួយទទួលបានការបញ្ជាក់ ។ ហើយនៅពេលដែលក្មួយធ្វើការជ្រើសរើសខុស នោះក្មួយអាចប្រែចិត្ត ហើយត្រូវបានអភ័យទោស ដោយសារព្រះរាជបុត្រារបស់ព្រះវរបិតាសួគ៌ គឺព្រះយេស៊ូវគ្រីស្ទ បានបង់ថ្លៃសម្រាប់អំពើបាបរបស់ក្មួយហើយ ។
នេះជាពរជ័យដ៏អស្ចារ្យដែលព្រះវរបិតាសួគ៌អញ្ជើញក្មួយនៅពេលអាយុប្រាំបីឆ្នាំ ឲ្យធ្វើសេចក្តីសញ្ញាជាមួយនឹងទ្រង់ ដើម្បីទ្រង់អាចប្រទានពរដល់ក្មួយកាន់តែច្រើន ! សេចក្តីអំណរជាច្រើនកំពុងរង់ចាំក្មួយ នៅពេលដែលក្មួយធ្វើតាមជំហាននេះដើម្បីធ្វើតាមព្រះយេស៊ូវគ្រីស្ទ ។
នៅពេលដែលខ្ញុំទទួលបុណ្យជ្រមុជទឹក ខ្ញុំអាច …
ចងចាំពីការសន្យានៃពិធីបុណ្យជ្រមុជទឹករបស់ខ្ញុំនៅពេលដែលខ្ញុំទទួលទានសាក្រាម៉ង់ ។
( នីហ្វៃទី៣ ១៨:៦–៧ )
មានព្រះវិញ្ញាណបរិសុទ្ធគង់នៅជាមួយខ្ញុំជានិច្ច ។
មានចំណែកនៅក្នុងសាសនាចក្ររបស់ព្រះយេស៊ូវគ្រីស្ទ ។
យកព្រះនាមរបស់ព្រះយេស៊ូវគ្រីស្ទមកដាក់លើខ្លួនខ្ញុំ ហើយធ្វើតាមទ្រង់ជារៀងរាល់ថ្ងៃ ។
( ម៉ូសាយ ៥:៨ )
រចនារូបភាពដោយ ប្រាយអិន ប៊ីច