« សកម្មភាពរៀនបទគម្ពីរសប្បាយៗប្រចាំសប្តាហ៍ » ប្រិយមិត្ត ខែមករា ឆ្នាំ២០២៥ ទំព័រ ៤១–៤៤ ។
ចូរមកតាមខ្ញុំ
សកម្មភាពរៀនបទគម្ពីរសប្បាយៗ ប្រចាំសប្តាហ៍
ថ្ងៃទី២៩ ខែធ្នូ–ថ្ងៃទី៤ ខែមករា
បុព្វកថានៃព្រះគម្ពីរសញ្ញាចាស់
ព្រះគម្ពីរសញ្ញាចាស់បង្រៀនអំពីព្រះយេស៊ូវគ្រីស្ទ
ចម្រៀង ៖ « សូមប្រាប់ខ្ញុំពីរឿងព្រះយេស៊ូវ » ( សៀវភៅចម្រៀងកុមារ ទំព័រ ៣៦ ) ។
បទគម្ពីរ ៖ អេសាយ ៩:៦
សកម្មភាព ៖ យើងអាចរៀនអំពីព្រះយេស៊ូវគ្រីស្ទនៅពេលយើងអានព្រះគម្ពីរសញ្ញាចាស់ ។ សូមបើកទៅទំព័រ ៤៩ ដើម្បីធ្វើសកម្មភាពស្វែងរកបទគម្ពីរជាមួយគ្នា ឬជ្រើសយកបទគម្ពីរមួយដើម្បីអានជាមួយគ្នា ។
ថ្ងៃទី៥–១១ ខែមករា
បុត្រាបុត្រីរបស់ព្រះទាំងអស់
ចម្រៀង ៖ « ខ្ញុំជាកូនរបស់ព្រះ » ( សៀវភៅចម្រៀងកុមារ ទំព័រ ១៨៨ )
បទគម្ពីរ ៖ ម៉ូសេ ១:៤
សកម្មភាព ៖ ព្រះបានប្រាប់ទៅម៉ូសេ « អ្នកជាបុត្ររបស់យើង » ( ម៉ូសេ ១:៤ ) ។ យើងទាំងអស់គ្នាគឺជាបុត្រាបុត្រីរបស់ព្រះវរបិតាសួគ៌ ! ចូរគិតពីនរណាម្នាក់ដែលត្រូវការការរំឭក ថាពួកគេគឺជាបុត្ររបស់ព្រះ ។ ច្រៀង ឬចាក់បទចម្រៀង « ខ្ញុំជាកូនរបស់ព្រះ » ( សៀវភៅចម្រៀងកុមារ ទំព័រ ១៨៨ ) ។
ថ្ងៃទី១២–១៨ ខែមករា
លោកុប្បត្តិ ១–២; ម៉ូសេ ២–៣; អ័ប្រាហាំ ៤–៥
ព្រះយេស៊ូវគ្រីស្ទបានបង្កើតផែនដី
ចម្រៀង ៖ « ព្រះវរបិតាស្រឡាញ់ខ្ញុំ » ( សៀវភៅចម្រៀងកុមារ ទំព័រ ១៦–១៧ )
បទគម្ពីរ ៖ ម៉ូសេ ២:១
សកម្មភាព ៖ នៅក្រោមការដឹកនាំរបស់ព្រះវរបិតាសួគ៌ ព្រះយេស៊ូវគ្រីស្ទបានបង្កើតផែនដី ( សូមមើល ម៉ូសេ ២:១ ) ។ តើក្មួយដឹងគុណចំពោះការបង្កបង្កើតដ៏ស្រស់ស្អាតអ្វីខ្លះ ? បង្កើតរូបផែនដីពីក្រដាសនៅលើទំព័របន្ទាប់ ! ក្មួយអាចគូសតាមដានច្បាប់ចម្លងបន្ថែមទៀតសម្រាប់គ្រួសាររបស់ក្មួយបាន ។ កាត់វាចេញ ហើយព្យួរវានៅកន្លែងណាមួយដើម្បីរំឭកក្មួយថា ព្រះបានបង្កើតផែនដីនេះសម្រាប់ក្មួយ ពីព្រោះទ្រង់ស្រឡាញ់ក្មួយ ។
ការបង្កើតផែនដី
ព្រះវរបិតាសួគ៌ និងព្រះយេស៊ូវគ្រីស្ទបានបង្កើតស្ថានសួគ៌ និងផែនដី និងអ្វីៗទាំងអស់នៅក្នុងនោះ ។ ប្រើខ្មៅដៃផាត់ពណ៌ ថ្នាំពណ៌សម្រាប់លាបម្រាមដៃ ឬបំណែកក្រដាសដើម្បីលាបពណ៌នៅក្នុងដី និងសមុទ្រនៅលើផែនដី ។
ថ្ងៃទី១៩–២៥ ខែមករា
លោកុប្បត្តិ ៣–៤; ម៉ូសេ ៤–៥
ការធ្វើការជ្រើសរើសល្អ
ចម្រៀង ៖ « ជ្រើសរើសផ្លូវត្រូវ » ( សៀវភៅចម្រៀងកុមារ ទំព័រ ៨២ )
បទគម្ពីរ ៖ ម៉ូសេ ៤:៣
សកម្មភាព ៖ ព្រះបានប្រទានដល់យើងនូវអំណោយនៃសិទ្ធិជ្រើសរើស ( សូមមើល ម៉ូសេ ៤:៣ ) ។ សិទ្ធិជ្រើសរើសគឺជាអំណាចដើម្បីធ្វើការជ្រើសរើស ។ ក្មួយអាចធ្វើការជ្រើសរើសល្អតាមរយៈការធ្វើតាមព្រះយេស៊ូវគ្រីស្ទ និងការបម្រើអ្នកដទៃ ។ បម្រើនរណាម្នាក់ជាមួយគ្រួសាររបស់ក្មួយ ។ បន្ទាប់មកគូសតាមដាន ហើយកាត់រូបបាតដៃ សរសេរអំពីអ្វីដែលក្មួយបានធ្វើ ហើយផ្ញើទៅឲ្យ មិត្តភក្តិ ! សូមរៀនបន្ថែមទៀតនៅទំព័រ ១៣ ។
រចនារូបភាពដោយ អូឌ្រី ដេយ