« ខ្ញុំនឹងមានអាយុ៨ឆ្នាំក្នុងពេលឆាប់ៗ » ប្រិយមិត្ត ខែមករា ឆ្នាំ២០២៦ ទំព័រ ២០–២១ ។
« ខ្ញុំនឹងមានអាយុ៨ឆ្នាំក្នុងពេលឆាប់ៗ »
នៅពេលកូនស្រីរបស់ខ្ញុំមានអាយុប្រហែលប្រាំមួយឆ្នាំ យើងបានធ្វើការព្យាយាមជាច្រើនតាមដែលអាចធ្វើទៅបាន ដើម្បីឲ្យនាងមើលពិធីបុណ្យជ្រមុជទឹករបស់កុមារផ្សេងទៀត ។ បន្ទាប់ពីពិធីបុណ្យជ្រមុជទឹកនីមួយៗ យើងបាននិយាយជាមួយនាងអំពីអ្វីដែលបានកើតឡើង ។ យើងបានជួយនាងឲ្យយល់ថា នៅពេលដែលនាងមានអាយុគ្រប់ដើម្បីទទួលបុណ្យជ្រមុជទឹក នាងនឹងអាចធ្វើការវិនិច្ឆ័យខុស និងត្រូវបាន ។ បន្ទាប់ពីពិធីបុណ្យជ្រមុជទឹកនីមួយៗ នាងនឹងនិយាយថា « ខ្ញុំនឹងមានអាយុ៨ឆ្នាំក្នុងពេលឆាប់ៗ ហើយខ្ញុំនឹងទទួលបុណ្យជ្រមុជទឹកផងដែរ » ។
ទីបំផុត កូនស្រីរបស់ខ្ញុំបានឈានដល់អាយុប្រាំបីឆ្នាំ ។ នាងបានទទួលបុណ្យជ្រមុជទឹក និងពិធីបញ្ជាក់ ។ ឥឡូនេះ នាងមានអំណោយទាននៃព្រះវិញ្ញាណបរិសុទ្ធ ។ យើងបានប្រាប់នាងថា វិធីដ៏ល្អបំផុតមួយដើម្បីរក្សាព្រះវិញ្ញាណបរិសុទ្ធឲ្យគង់នៅជាមួយនឹងនាងគឺ ទទួលទានសាក្រាម៉ង់ ។
នៅពេលយើងទទួលទានសាក្រាម៉ង់ យើងសន្យាថា នឹងចងចាំព្រះនាមរបស់ព្រះយេស៊ូវគ្រីស្ទជានិច្ច ។ ព្រះវិញ្ញាណបរិសុទ្ធនឹងជួយក្មួយឲ្យធ្វើអ្វីដែលព្រះយេស៊ូវបានបង្រៀន និងរំឭកក្មួយនូវអ្វីដែលក្មួយរៀនអំពីទ្រង់នៅផ្ទះ និងនៅក្នុងអង្គការបឋមសិក្សាផងដែរ ។ ព្រះវិញ្ញាណបរិសុទ្ធមានបន្ទូលជាមួយនឹងសំឡេងតូចរហៀង ហើយនឹងជួយក្មួយឲ្យយល់ពីអ្វីដែលត្រឹមត្រូវ និងអ្វីដែលខុសឆ្គង ។
ឥឡូវនេះ កូនស្រីរបស់ខ្ញុំស្រឡាញ់ពិធីសាក្រាម៉ង់ខ្លាំងណាស់ ! ហើយក្មួយៗក៏អាចរកឃើញអំណរនោះបានផងដែរ ។ នៅពេលក្មួយទទួលទានសាក្រាម៉ង់ជារៀងរាល់សប្តាហ៍ ហើយចងចាំព្រះយេស៊ូវគ្រីស្ទ នោះក្មួយនឹងមានអារម្មណ៍ពីព្រះវិញ្ញាណបរិសុទ្ធកាន់តែច្រើន ហើយទ្រង់នឹងបន្តដឹកនាំក្មួយ ។ ក្មួយនឹងអាចចងចាំព្រះយេស៊ូវគ្រីស្ទជានិច្ចបាន ។
ជំហាននៃសេចក្តីសញ្ញា
ផាត់ពណ៌ឈុតឆាកនីមួយៗដើម្បីតាមដាន នៅពេលដែលកូនស្រីរបស់អែលឌើរ អូជីឌីរ៉ាន រៀបចំខ្លួនធ្វើ និងរក្សាសេចក្តីសញ្ញានៃពិធីបុណ្យជ្រមុជទឹករបស់នាង ។
រូបភាពដោយ សាម៉ាន់ថា វីនលី