Namatay si Joseph para sa Ebanghelyo

Galit na mga tao sa bayan na nagbabasa ng isang pahayagan

Maraming tao ang galit kay Joseph Smith at sa Simbahan. Hindi nila gusto ang itinuturo ni Joseph. May ilan na gusto siyang patayin.

Si Joseph Smith na niyayakap ang kanyang pamilya

Kinailangang pumunta ni Joseph sa lungsod ng Carthage para makapagpasiya ang hukom kung nilabag niya ang batas. Binasbasan ni Joseph si Emma at ang kanyang mga anak, hinagkan sila para magpaalam, at umalis papuntang Carthage

Sina Joseph at Hyrum na nakasakay sa mga kabayo at nililingon ang hindi natapos na Nauvoo Temple

Sinamahan si Joseph ng kanyang kapatid na si Hyrum at ng iba pang mga kaibigan. Pag-alis nila, lumingon si Joseph sa Nauvoo. “Ito ang pinakamagandang lugar at pinakamabubuting tao sa silong ng langit,” sabi niya.

Si Joseph sa Carthage Jail na nakikipag-usap sa mga bantay, habang si Hyrum ay nagbabasa ng mga banal na kasulatan

Ibinilanggo sa Carthage ang mga lalaki. Binasa sa kanila ni Hyrum ang Aklat ni Mormon. Sinabi ni Joseph sa mga bantay na totoo ang Aklat ni Mormon.

Mga lalaking may mga baril na nagtatangkang pumasok sa silid habang pinipigilan ni Joseph at ng kanyang mga kaibigan ang pinto

Kalaunan nang araw na iyon, lumusob sa bilangguan ang mga galit na lalaki na may mga dalang baril. Sila ay nagsimulang magpaputok sa silid kung saan naroon si Joseph at ang kanyang mga kaibigan. Napatay sina Hyrum at Joseph.

Inaalo ng mga naunang Banal ang isa’t isa at makikita sa likuran nila ang Nauvoo Temple na nakatayo sa isang burol

Labis na nalungkot ang mga Banal nang malaman nila na namatay sina Joseph at Hyrum. Pero alam nila na ang Simbahan ay patuloy na lalago at pagpapalain ang mga anak ng Diyos sa buong mundo.