Tomai Faataitai 3
A’oa’o Tagata i le Auala e Tatalo Ai
O le toatele o tagata e aoao atu e faifeautalai e leai se poto masani i le tatalo. “O le valaauliaina o tagata e tatalo o se tasi lea o valaaulia aupito sili ona taua e mafai ona e tuuina atu o se faifeautalai” (Tala’i La’u Talalelei [2023], 43).
Taitai o talanoaga: Taumafai ia faapuupuu i vaega o le “Faamatalatala” ma le “Faapupula” ina ia tele ai le taimi o tagata a’oa’o e faataitai ai.
Faamatalatala
Taitai o talanoaga: Faailoa atu le autu mo lenei faataitaiga o tomai e ala i le faasoaina atu o mea nei:
E finagalo lo tatou Tama Faalelagi alofa i Ana fanau e fesootai ma Ia e ala i le tatalo. E masani ona a’oa’o e faifeautalai tagata e itiiti pe leai foi so latou poto masani i le tatalo.
Taitai o talanoaga: Valaaulia tagata aoao e sue le “Lesona 4—Avea ma So’o o Iesu Keriso i le Olaga Atoa” i le mataupu e 3 o le Tala’i La’u Talalelei. Fesoasoani ia i latou e sue le ulutala ua faaulutalaina “Tatalo e lē Aunoa” i le itulau e 77. Ona faasoa atu lea o faatonuga nei:
Faitau le vaega ua faaulutalaina “Tatalo e lē Aunoa” (Tala’i La’u Talalelei, 77). Vaavaai mo taiala e mafai ona fesoasoani ia te oe e a’oa’o atu ai isi i le mafuaaga e taua ai le tatalo ma le auala e tatalo ai.
-
O le a se mea na e a’oa’oina e uiga i le taua o le tatalo?
-
O le a se mea na e maua e mafai ona fesoasoani i isi ia iloa ai le auala e tatalo ai?
Taitai o talanoaga: Mafaufau e faaali atu taiala nei mai le vaega lenei ina ia mafai ai e tagata a’oa’o ona faatatau i ai i le taimi o le gaoioiga faataitai:
-
Amata i le ta’u atu o le Tama Faalelagi.
-
Faailoa atu lagona o ō tatou loto, e pei o le lotofaafetai mo faamanuiaga ua tatou mauaina.
-
Fai fesili, saili le taitaiga, ma ole atu mo faamanuiaga.
-
Faauma i le faapea atu, “I le suafa o Iesu Keriso, amene.”
Faapupula
Taitai o talanoaga: Faataitai pe faape’i le a’oa’o atu i se tasi e uiga i le tatalo. I le avea ai o se vaega o lau faatinoga, faamatala pe aisea e taua ai le tatalo ma le auala e tatalo ai.
E mafai foi ona e faaaogaina le vitio “A’oa’o Atu e uiga i le Agaga Paia ma le Tatalo: Ioane” (ChurchofJesusChrist.org; matamata mai le taimi faailo 2:46 i le 5:00).
Faataitai
Taitai o talanoaga: Tofi se paga mo tagata taitoatasi o le vasega ma faasoa atu faatonuga nei:
Faatasi ai ma lau paga, feauaua’i e aoao atu e le tasi le isi e uiga i le tatalo (tagai i taiala mai le itulau e 77 o le Tala’i La’u Talalelei pe a manaomia). Ia mautinoa e faamatala uma le mafuaaga tatou te tatalo ai ma le auala e tatalo ai. E mafai foi ona e molimau atu e faafofoga ma tali mai le Atua i tatalo.
Faaaoga
Taitai o talanoaga: Faasoa atu se valaaulia e pei o lenei e fesoasoani ai i tamaiti aoga e faaaoga lenei tomai:
I le vaiaso a sau, vaavaai mo se avanoa e faataitai ai le a’oa’oina o se tasi i le auala e tatalo ai. E mafai ona faia lenei mea i se tagata o le aiga po o se uo ua uma ona iloa le auala e tatalo ai, pe afai foi e te iloa se tasi e le masani i le tatalo, e mafai ona e a’oa’o atu i latou. Mafaufau foi pe faapefea ona e faaleleia au tatalo patino.