7 ka Paagi nga Matagamtam ang Makadasig nga Musika

Gilitratohan ni David Green

Sa tanang panahon, ang musika usa ka importante nga bahin sa pagsimba alang mga disipulo ni Jesukristo.

Daghan sa mga salmo sa Daang Tugon mao ang mga kanta sa pagdayeg ngadto sa Ginoo. Ang Bag-ong Tugon nagrekord nga si Jesus ug ang Iyang Apostoles, sa wala pa mopaingon ngadto sa Getsemani, dungan nga nanganta og himno (tan-awa sa Mateo 26:30). Ug ang mga himno makapalambo sa atong pagsimba atol sa mga panagtigom alang sa sakramento karon.

Ang nagpadayon nga paghimo sa bag-ong basahon sa himno makadasig, ug kita makalaom sa mas daghan nga himno samtang magpadayon ang proseso. Apan ang mga himno dili lamang ang bugtong matang sa musika nga makapadasig nato. Ang Librarya sa Ebanghelyo sa Simbahan ug ang Sagrado nga Musika nga mga app adunay daghan nga lain-laing matang sa musika nga masinati, gikan sa tradisyonal nga paspas ug malipayon, bag-ong musika (dili mo kinahanglan nga mahimong tin-edyer aron malingaw sa Strive to Be nga mga album!). Sa niini nga mga app makakaplag kamo og positibo, makadasig nga mga rekording, daghan niana naglakip sa palid sa musika nga inyong mapatukar o makanta sa inyong kaugalingon.

Ania ang pipila ka ideya sa pagtabang ninyo sa paglakip sa makadasig nga musika sa inyong pagsimba diha sa panimalay—bisan og kamo wala mabansay sa musika:

• Paminaw sa mga rekording sa mga himno ug sa ubang makadasig nga mga kanta sa tibuok semana. Makita kini sa Librarya sa Ebanghelyo o sa Sagrado nga Musika nga mga app o sa Librarya sa Musika sa website sa Simbahan.

• Siksika ang mga istorya sa mga himno ug kat-oni unsa ang nakapadasig nila.

• Kantaha ang mga himno ug kat-oni ang lain-laing mga bahin gamit ang Interactive Sheet Music nga opsiyon sa Sagrado nga Musika nga app o sa website sa Simbahan.

• Paminaw sa Tabernacle Choir o sa Strive to Be sa inyong paborito nga plataporma (sama sa YouTube, Spotify, Apple Music, Pandora).

• Pagkat-on sa pagpatukar sa mga himno ug sa ubang makadasig nga mga kanta pinaagi sa piano o gitara gamit ang palid sa musika o mga chord nga gilakip sa Librarya sa Ebanghelyo nga app o sa website sa Simbahan.

• Tun-i ug pamalangdongi ang mga pulong sa makabayaw nga mga kanta ug mga himno.

• Sunda sa pagkanta ang mga pulong samtang naminaw sa mga pasundayag sa Tabernacle Choir diha sa Temple Square. Ang mga pasundayag makita sa YouTube channel sa choir.