Democratic Republic of the Congo

Ang unang mga kinabig sa Democratic Republic of the Congo nabunyagan sa gawas sa nasod sa wala pa mouli ngadto sa ilang yutang natawhan ug nagpakigbahin sa ilang tinuohan ngadto sa uban. Sa dihang ang mga misyonaryo miabot sa DRC niadtong 1986, diha nay mga grupo sa mga kinabig nga nagmiting matag semana. Ang unang stake naporma niadtong 1996, ug ang unang templo sa nasod gipahinungod niadtong 2019. Karon, Ang Simbahan ni Jesukristo sa mga Santos sa Ulahing mga Adlaw sa Democratic Republic of the Congo adunay:

• 115,000 ka miyembro (gibana-bana)

• 27 ka stake, 289 ka ward ug branch, 5 ka misyon

• 1 ka templo (Kinshasa) ug 3 nga gipahibalo (Lubumbashi, Kananga, ug Mbuji-Mayi)

Mapasalamaton alang sa Plano sa Kaluwasan

Sa dihang si John Lwamba gikan sa Lubumbashi nagserbisyo og misyon, ang iyang magulang nga lalaki namatay. Miingon siya, “Medyo lisod alang nako sa pagdawat tungod kay siya ang unang tawo sa akong pamilya ang namatay. Sa tabang sa akong presidente sa misyon ug sa mga kasulatan, nadawat nako kini, ug sukad nianang adlaw, kini nga kasinatian mipaduol nako ngadto sa Manluluwas. Nasayod ko nga sama Niya nga nabanhaw, ang akong tanang mga sakop sa pamilya nga namatay mabanhaw usab.”