Pagtuman sa Atong mga Pakigsaad

Sa pahina 2, si Elder Neil L. Andersen sa Korum sa Napulog Duha ka Apostoles nagpahinumdom nato nga ang kasaba sa kalibotan makabalda nato gikan sa tingog sa Espiritu. Aduna bay mga makabalda sa inyong kinabuhi nga nakapalisod sa pagkonekta sa Dios? Maghimo kamo og tumong karong bulana nga paminosan kining mga makabalda, sama sa paggahin og mas daghang oras sa pagsimba diha sa templo o sa pagpuasa gikan sa social media.

Ang artikulo sa pahina 18 naghisgot kon sa unsang paagi nga ang mga miyembro sa Simbahan makakaplag og kalipay ug pagkasakop diha sa templo sa Ginoo, dili igsapayan kon minyo man o dili minyo. Unsa ang inyong mabuhat aron sa pagtabang sa inyong isigka Santos nga makasabot ug makadawat sa mga panalangin nga gitanyag sa Langitnong Amahan ngadto sa Iyang tanang anak nga nagtuman sa mga pakigsaad ngadto Kaniya?

Basaha ang artikulo sa pahina 44 ni Elder Christophe G. Giraud-Carrier sa Seventy sa pagpangita sa lima ka ideya sa pagdawat ug sa pag-ila sa pagpadayag. Sa unsa nga mga aspeto sa inyong kinabuhi nga nagkinahanglan kamo og balaanong giya? Ikonsiderar ang paggamit sa mga baroganan nga gitudlo ni Elder Giraud-Carrier samtang magtinguha kamo og inspirasyon gikan sa Dios karong bulana.