“Pagtupad sa Ating mga Tipan,” Liahona, Mar. 2025.
Paggamit ng mga Magasin ng Simbahan
Pagtupad sa Ating mga Tipan
Ang mga artikulo sa mga magasin ng Simbahan sa buwang ito ay maaaring makatulong sa inyo kapag hinangad ninyong “tuparin ang mga tipan” na ginawa ninyo (Doktrina at mga Tipan 25:13).
Mga Aral sa Artikulong Ito
Dinggin ang Tinig ng Langit
Sa pahina 2, ipinaalala sa atin ni Elder Neil L. Andersen ng Korum ng Labindalawang Apostol na ang ingay ng mundo ay maaaring makagambala sa atin mula sa tinig ng Espiritu. May mga panggagambala ba sa buhay ninyo na nagpapahirap na kumonekta sa Diyos? Maaari kayong gumawa ng isang mithiin sa buwang ito na bawasan ang mga panggagambalang ito, tulad ng paggugol ng mas maraming oras sa pagsamba sa templo o hindi paggamit ng social media.
Tulungan ang Iba na Matanggap ang mga Pagpapala ng Diyos
Ang artikulo sa pahina 18 ay tumatalakay sa kung paano maaaring makasumpong ng kagalakan at pagiging kabilang sa templo ng Panginoon ang mga miyembro ng Simbahan, may-asawa man sila o wala. Ano ang magagawa ninyo para matulungan ang inyong mga kapwa Banal na maunawaan at matanggap ang mga pagpapalang nais ibigay ng Ama sa Langit sa lahat ng Kanyang mga anak na tumutupad ng mga tipan sa Kanya?
Tanggapin at Kilalanin ang Paghahayag
Basahin ang artikulo sa pahina 44 ni Elder Christophe G. Giraud-Carrier ng Pitumpu para makahanap ng limang ideya para matanggap at makilala ang paghahayag. Saang mga aspeto ng buhay ninyo kailangan ang patnubay ng Diyos? Isiping ipamuhay ang mga alituntuning itinuro ni Elder Giraud-Carrier kapag humingi kayo ng inspirasyon mula sa Diyos sa buwang ito.