Ang Katapangan ng Isang Reyna

Naghanap ang hari ng Persia ng bagong reyna. Humanga siya sa isang dalagitang nagngangalang Esther at pinili siya na hindi batid na isa siyang Judio.

Kalaunan, gumawa ng atas ang tagapayo ng hari na lahat ng Judio sa kaharian ay dapat patayin. Bilang reyna, nasa posisyon si Esther na tumulong sa pagliligtas sa kanila, ngunit natakot siyang hilingin sa hari na baguhin ang utos. Ang paglapit sa hari nang walang paanyaya ay maaaring magbunga ng kaparusahang kamatayan.

Hiniling ni Esther sa lahat ng Judio na mag-ayuno para sa kanya, at pagkatapos ay nagpunta siya sa hari. Dininig ng hari ang kanyang kahilingan at iniligtas ang buhay ng kanyang mga tao. Dahil matapat at matapang si Esther, nagamit siya ng Diyos para mailigtas ang Kanyang mga anak.