Grace S.

Litrato pinaagi ni Nathan Reid

Dili ko makasulti sa akong mga higala. Naulaw kaayo ko.

Ang sobrang pagkahasol nakahimo nakong mahadlokon sa pag-adto og bag-ong mga dapit o sa pagpakighimamat og bag-ong mga tawo.

Apan human makadawat sa akong patriyarkal nga panalangin, gusto nakong suklan ang akong mga pagbati sa sobrang kahasol ug aron molampos sa tanang paagi nga gisulti sa panalangin nga akong malampos. Mibati gihapon ko og kahingawa, kabalaka, ug kahadlok, mao nga nag-ampo ko nga tabangan ko sa Ginoo. Nakita Niya ang akong tinguha alang sa kalamboan ug mitabang nako nga mouswag.

Karon mas lig-on ko kay sa una. Ang sobrang kahasol wala pa gihapon mabuntog sa hingpit, apan layo na kaayo kini sa bisan unsang akong nahunahunaan nga posible. Si Jesukristo adunay gahom sa pag-usab sa kalibotan, apan kinahanglan usab nga tugotan nato Siya nga mousab kanato.

Si bisan kinsa nga mibati nga nagkalumos na sila, awhagon ko kamo sa pagpangita Kaniya. Tan-aw ngadto Kaniya sa matag hunahuna. Gusto sa Manluluwas nga maulian kita gikan sa malisod nga mga panahon. Mahimo Niyang buhaton ang malisod nga mga hagit nga murag mas masayon.