Isaac R.

Litrato pinaagi ni Nathan Reid

Ang mga hagit dili hangtod sa hangtod. Bisan kon naa ka sa tumang kalisod, mahimo gihapon ka nga molambo.

Motugtog ko sa organ ug sa piano. Ganahan ko nga buhaton kini. Niadtong miaging Pasko, ang among lokal nga mga kongregasyon nagpahigayon og konsiyerto sa mga awit sa Pasko uban sa mga 1,000 ka mga tawo. Nagtugtog ko og pangbukas nga piyesa nga adunay dili sayon nga areglo.

Naglisod ko niini samtang nagpraktis ko, nga nakapakulba nako og gamay sa wala pa ang konsiyerto. Apan nag-ampo ko daan aron mangayo sa Dios nga maayo unta ang dagan niini ug tabangan ko nga mobati nga kalma. Milampos kini! Dili ko hingpit nga komportable, apan nakontrolar nako ang pagtugtog nga hapsay. Sa tinuod lang, mao kadto ang labing maayo nga akong pagkatugtog sukad niana nga piyesa.

Ang pagtan-aw ngadto ni Kristo nagpasabot sa pagkahibalo nga Siya motabang kanato diha sa atong inadlaw-adlaw nga kinabuhi. Akong mabati ang Espiritu nga labing kusog pinaagi sa musika, mao nga ang pagtindog ug pagtugtog sa organ atubangan sa tanan ug pagkadungog sa gatosan ka mga tawo nga nagkahiusa sa pag-awit usa ka kusog nga pagbati. Ang pagkahibalo nga nakatabang ka sa usa ka tawo nga mobati sa Espiritu makatabang kanimo mismo nga mobati sa Espiritu.