Unsay Gikinahanglan sa Kalibotan
Panahon nga gamiton ang imong gitagoan nga superpower.
Dili kini mahitabo sa kanunay, apan kagabii aduna kay labihan kanindot nga pagkatulog. Ningmata ka nga nalagsik, malaomon, ug andam nang moatubang sa bag-ong adlaw nga puno sa bisan unsang sagubangonon.
Apan misugod ka sa pagtikang ngadto sa lapad nga kalibotan—ug, nia hinoon, ang imong hingpit nga adlaw nagsugod sa pagkasugat og usa ka babag human sa usa ka babag. Adunay daghan kaayong mga problema ug mga panagbingkil nga nagkatag didto sa palibot. Ug, bisan sa labihan ka maayo nimong mga paningkamot, ang pipila niana nga problema seguradong mobabag sa imong dalan. Unsaon nimo sa paglahutay? Hilabi na, unsay imong ikatabang sa pagsulbad sa ingon ana kadako nga problema?
Nga aduna sa labihan ka daghang panahon sa kadili mabination ug kabangis sa kinabuhi, gikan sa mga panagbangi sa karsada ngadto nagbahisbahis nga social media. Ang Langitnong Amahan ug si Jesukristo nagkinahanglan og mga tighimo og kalinaw labaw pa kay sa kaniadto!
Si Presidente Russell M. Nelson (1924–2025) midapit kanato nga “mangamuyo kita ngadto sa atong Langitnong Amahan nga pun-on ang atong mga kasingkasing sa mas dakong gugmang putli—ilabi na niadtong lisod higugmaon—kay ang gugmang putli usa ka gasa gikan sa atong Langitnong Amahan alang sa tinuod nga mga sumusunod ni Jesukristo.”
Nasabtan ba ninyo kanang kataposan nga linya? Ang gugmang putli usa ka gasa gikan sa Langitnong Amahan. Sa lahi nga pagkasulti, bisan og ikaw maglisod usahay (o sa kanunay) kon giunsa nimo sa paghunahuna o pagtagad ang uban, makahimo ka sa pagsugod og ampo karon alang sa gasa sa gugmang putli.
Ang kalibotan nagkinahanglan sa matag tipik sa kamabination nga maangkon niini—swerte gayod ang kalibotan nga anaa ka.