Usa ka Pag-ampo alang sa Kalinaw

Paghulagway pinaagi ni Katelyn Budge

Kausa ang akong mga ginikanan naglalis. Nakapaguol kaayo kini kanako, ug wala ko masayod unsay buhaton. Miluhod ko ug nag-ampo sa Langitnong Amahan, naghangyo Kaniya sa paghupay kanako ug pagtabang kanako nga mobati og kalinaw.

Human sa pag-ampo, akong gipakli ang magasin sa kabatan-onan ug nabasahan ang usa ka mensahe nga nagpahinumdom kanako sa gugma sa Langitnong Amahan ug ni Jesukristo. Mipaneguro kini kanako nga wala gayod ako mag-inusara ug nga Sila anaa sa kanunay sa paggiya, paglig-on, ug paghupay kanako. Mibati ko og labihan kanindot nga pagbati sa kalinaw nga misulod sa akong kasingkasing.

Wala madugay, akong namatikdan nga ang akong mga ginikanan usab ningkalma na. Nagpinasayloay na sila ug nag-istoryahanay na usab. Akong gibati ang labihang pasalamat. Kini nga kasinatian milig-on sa akong pagpamatuod nga kon kita tinuorayng motan-aw ngadto ni Kristo, Siya sa kanunay anaa sa pagtabang kanato latas sa bisan unsa nga hagit.