Ang Kaisog sa Usa ka Rayna

Ang hari sa Persia nangita og bag-o nga rayna. Nakadayeg siya sa usa ka batan-ong babaye nga ginganlan og Ester ug mipili kaniya, wala masayod nga siya usa ka Judeo.

Wala madugay, ang tigtambag sa hari mihimo og mando nga ang tanang Judeo sa gingharian kinahanglang patyon. Isip rayna, si Ester anaa sa posisyon sa pagtabang nga maluwas sila, apan nahadlok siyang mohangyo sa hari nga usbon ang mando. Ang pagduol ngadto sa hari nga dili imbitado mahimong masilotan og kamatayon.

Gihangyo ni Ester ang tanang Judeo nga magpuasa alang kaniya, ug dayon miadto siya sa hari. Gidungog sa hari ang hangyo sa rayna ug gipanalipdan ang kinabuhi sa katawhan sa rayna. Tungod kay si Ester matinund-anon ug maisogon, ang Dios nakahimo sa paggamit kaniya sa pagluwas sa Iyang mga anak.