“Nganong importante man nga magpabilin sa duha ka oras sa simbahan kon nakaambit na ko sa sakramento?”

“Tan-aw nako importane ang pagpakita ngadto sa tawo nga nagtudlo sa leksiyon nga nagpakabana kita sa iyang gisulti. Naggahin siya og daghang panahon sa pagpangandam, ug ang Dios adunay mga butang nga gusto Niya nga atong makat-onan sa ikaduha nga oras.”

Brighton T., 15, Utah, USA

“Bisan tuod nakaambit na ka sa sakramento ug nakabag-o sa imong mga pakigsaad sa Langitnong Amahan, kinahanglan gihapon ka nga makakat-on mahitungod sa Pag-ula ni Jesukristo. Magtudlo usab kini kanato kon unsaon nato sa pagdumala sa atong oras sa espirituwal nga paagi kay dili kita kanunay naggahin og igong panahon sa pagkat-on ug paghisgot mahitungod sa Langitnong Amahan.”

Samuel T., 14, Utah, USA

“Moadto kita sa simbahan aron makahinumdom ni Kristo ur magkat-on mahitungod Kaniya, apan moadto usab kita aron makakonektar. Sa ikaduhang oras nakat-onan nako nga walay tawo nga perpekto; kitang tanan adunay mga pangutana, ug makakaplag kita og mga tubag gikan sa atong mga magtutudlo, mga lider, ug mga kauban sa klase.”

Ashlin L., 14, Washington, USA

“Mas sayon para nako ang pagkat-on mahitungod ni Kristo kon adunay igahin nga oras alang niini. Mas lisod para nako ang paggahin niana nga oras sa panimalay. Kon walay mga leksiyon sa Simbahan, magsugod ko sa pagkalimot kon unsay importante ug unsay bililhon para nako. Mao nga bisan kon kapuyon ko, magpabilin ko alang sa ikaduhang oras aron mahinumdom ngano nga ganahan ko sa akong pagkamiyembro niini nga Simbahan.”

Callyeva M., 18, Michigan, USA

“Kabahin sa pag-adto sa simbahan ang pagpakig-uban sa ubang tawo nga makasuporta nimo. Ang ikaduhang oras magtugot nimo sa pagkat-on mahitungod sa piho nga mga butang nga makatabang sa mga tawo nga anaa sa imong pangedaron. Makahatag usab kini og higayon sa bag-ong mga miyembro nga makahimamat og mga higala nga makahatag og maayong ehemplo, moabi-abi nila, ug makatabang nila.”

Luke B., 12, Texas, USA