Paano Ko Matutulungan ang Aking mga Kaibigan at Kapamilya?

Bilang nabuhay na muling nilalang, dinalaw ni Jesucristo ang mga Nephita at inanyayahan silang gawin ang isang bagay na nagtatakda ng huwaran sa magagawa rin natin bilang Kanyang mga disipulo sa makabagong panahon. Sabi niya:

“Mayroon bang maykaramdaman sa inyo? … Mayroon ba sa inyong pilay, o bulag, … o yaong mga nahihirapan sa anumang dahilan? Dalhin sila rito at akin silang pagagalingin, sapagkat ako ay nahahabag sa inyo” (3 Nephi 17:7).

Pansinin kung paano tumugon ang mga sinaunang disipulong iyon.

“Lahat ng tao … [ay] humayo kasama ang kanilang maykaramdaman … at ang lahat sa kanila na nahihirapan sa anumang dahilan; at pinagaling ang bawat isa sa kanila” (3 Nephi 17:9).

Alam ko na si Jesucristo ay buhay at Siya pa rin ang ating magiliw na Manggagamot. Kapag tumugon tayo sa Kanyang paanyaya na dalhin ang ating mga kaibigan at kapamilya sa Kanya, pagagalingin Niya sila sa Kanyang sariling paraan.

“At lahat sila, kapwa sila na mga napagaling at sila na mga walang sakit, ay yumukod sa kanyang paanan, at sinamba siya” (3 Nephi 17:10).

Bawat isa sa atin ay lumapit kay Cristo kapag dinala natin ang iba sa Kanya ngayong Pasko ng Pagkabuhay.