O a mea na fai e tagata i le Olo o Papelu? Aisea na latou fauina ai?

Ata na tusia e David Green

O Satani “na ia tuu i loto o tagata ia latou fausia se olo ia lava le maualuga ina ia mafai ona latou o ae ai i le lagi” (Helamana 6:28).

Sa latou taumafai e fai lo latou lava ala i le ola e faavavau ma le fiafia nai lo le mulimuli i le ala a le Alii. Sa latou mananao e “fai [i latou] ma igoa“ (Kenese 11:4) nai lo le ave i o latou luga le suafa o le Alii. Sa latou faia se ituaiga o malumalu taufaasese. Sa latou taumafai e aloese mai le ala o le a taitai atu ai i latou e “o a’e i le mauga o le Alii” (Salamo 24:3) e ala i le fausiaina o o latou lava “maupuepue.” Sa latou manatu o ō latou loto, tekinolosi, ma tomai e mafai ona faia ai—e aunoa ma le faatuatua ia Iesu Keriso, salamo, feagaiga, ma le usiusitai.

Ioe, sa le manuia a latou taumafaiga.

Na aoao mai Elder D. Todd Christofferson o le Korama a Aposetolo e Toasefululua: “E leai ‘so’u ala’ pe afai tatou te mananao e mulimuli i le faataitaiga a Keriso. O le taumafai e su’e se auala i le lagi e ese mai, ua pei lava o le faavalevalea o le galulue ai i luga o le Olo o Papelu nai lo le taula’i atu ia Keriso ma Lana faaolataga.”