“Ua tatala le faaipoipoga a o’u matua, ma o le tasi ua le fiafia i le Ekalesia. E mafai faapefea ona ou tausia le Agaga pe a ou i ai faatasi ma lena matua?”

“I le Mataupu Faavae ma Feagaiga 11:21, ua fetalai mai le Alii ia i tatou: ‘Aua le saili e talai atu la’u upu, ae ia muai saili ia maua la’u upu … ; afai e te manao ai, o le a e maua lo’u Agaga.’ Saili pea le Agaga Paia e ala i le onosai, agalelei, suesue i tusitusiga paia, tatalo, ma anapogi. O le a Ia taialaina oe.”

Gabriela A., 16, São Paulo, Pasila

“O nisi o mea sa fesoasoani ia te a’u o le faaavanoa lea o se taimi mo a’u lava e faitau ai tusitusiga paia i aso taitasi, tautala lelei ma le mitamita e uiga i o’u talitonuga, ma avea ma se faataitaiga lelei. Ma le isi, e mafai ona ou tatalo i soo se taimi ma o loo i ai pea le Tama Faalelagi iina mo a’u.”

Ehthan W., 17, Uosigitone, ISA

“Sa ou oo muamua i lenei tulaga, ma sa ou tatalo ina ia mafai ona ou tausia se vaaiga e faavavau. Tatalo ma anapogi ina ia mafai ona lagona le Agaga, ma o le a tuuina atu e le Tama Faalelagi ia te oe le tali sili e fofo ai lenei tulaga!”

Isabelle L., 17, São Paulo, Pasila

“O le avea e faapei o Keriso o se tasi lea o auala sili e valaaulia ai le Agaga ma lagona ai le olioli ma le filemu. Ou te iloa a ou auauna atu ma agalelei atili i se tasi, ou te lagona moni lava le Agaga.”

Maybelle K., 15, Iuta, ISA

“Ou te lagonaina le Agaga pe a ou faia mea ou te iloa e sa’o ao ou i ai faatasi ma lena matua, e pei o le tatalo i taimi o taumafataga ma le faitauina o a’u tusitusiga paia. Pe a avea a’u ma se faifeautalai e ala i faataitaiga, ua ou faaolaola la’u molimau, lea e fesoasoani ou te iloa ai le Agaga ma faaavanoa ai se taimi mo le Tama Faalelagi ma Iesu Keriso!”

Mara B., 13, Ontario, Kanata