Auauna Atu ma le Alofa o le Faaola

Ata na tusia e Katelyn Budge

Ina ua 10 o’u tausaga, sa faamatala mai e le uso o lo’u tina ia te a’u e uiga i lana lotu: O Le Ekalesia a Iesu Keriso o le Au Paia o Aso e Gata Ai. E nofo o ia i se isi itu, o lea sa ou maua ai se uarota i lo’u nuu ma papatiso ai i le lua vaiaso mulimuli ane. O le auai ai i le Ekalesia e le’i faigata ia te a’u ona sa lagolagoina a’u e le uso o lo’u tina, ma sa faafeiloaia a’u e a’u uo fou i Tamaitai Talavou i totonu o le uarota.

O le ala na latou auauna mai ai ia te a’u ua musuia ai a’u e auauna atu i isi. I se tasi taimi, sa tagi ai se tasi o la’u vasega ona sa le’i lelei lana faatinoga i lana suega i le faaiuga o le kuata ma sa le’i iloa pe faapefea ona ta’u atu i ona matua. Sa ou faamafanafanaina o ia, ma fai atu ia te ia ia lototele. Sa fiafia o ia ma faafetai mai ia te a’u.

O le auauna atu ua faamalosia ai lo’u sootaga ma le Faaola ma le Tama Faalelagi aua ua faaali mai ai ia te a’u le ala e ola ai i aoaoga a le Faaola o le alofa ma le agaalofa. Ou te lagonaina Lona alofa pe a ou auauna atu i isi ma pe a auauna mai isi ia te a’u.