Tala mai le Feagaiga Tuai
Mose 8; Kenese 6–8
O Le Lolo: Noa
O ata na tusia e Katy Dockrill
O Lana Tala
O Le Lapataiga
Sa soifua Noa i se taimi sa tele ai le amioleaga. Na ta’u atu e le Alii ia Noa o le a lilofia le laueleele e se lolo pe a le salamo tagata. Sa ia poloaiina Noa e tala’i atu le talalelei a Iesu Keriso, ae sa le’i salamo tagata.
O le Vaa
Na ta’u atu e le Atua ia Noa e fau se vaa (o se vaa tele). Sa osifeagaiga Noa ma le Atua ma faia e pei ona Ia poloaiina ai o ia. Sa alu o ia i totonu o le vaa faatasi ma lona aiga ma manu o ituaiga eseese uma.
O le Timu
Sa timu mo aso e 40 ma po e 40, ma sa ufitia le lalolagi atoa i le vai. Na iu lava, ina auina atu e Noa se lupe mai le vaa e saili se fanua matutu. Sa toe foi mai ma se lau olive.
O le Taulaga
Ina ua tuua e Noa ma lona aiga le vaa, sa fausia e Noa se fatafaitaulaga i le Alii ma osi atu ai taulaga ia te Ia. Sa usiusitai ma lotofaafetai Noa. Sa faatu e le Alii se nuanua i le ao o se faailoga o Lana feagaiga o le a Ia le toe faaumatiaina le lalolagi e ala i lologa.
O Lau Tala
E pei o Noa, atonu e i ai ni taimi i lou olaga e te lagona ai le siomia o oe e “galu” (o ni tulaga faigata pe taufaafefe). Ae e mafai ona e faatuatuaina o le a fesoasoani le Tama Faalelagi ma Iesu Keriso ia te oe e maua le faamoemoe ma le filemu a o e taumafai e tausia au feagaiga.