O le Valaaulia a le Seminare

Ata na tusia e Katelyn Budge

O le suiga mai le aoga tulagalua i le aoga maualuga sa fai si taufaafefe mo a’u. I le pito i luga o lena mea, sa amata ai foi ona ou seminare. I la matou siteki, e i ai le seminare i le afiafi, o lea la pe a tuua le aoga, ou te alu sa’o ai lava i le seminare. O lenei faatulagaga e tele lava ina ou lelava ai aua e tele atu a’u meaaoga i le taimi nei ua ou i ai i le aoga maualuga. Ae, e ui lava e le tele so’u taimi e pei ona ou masani ai, ae ou te faafetai ona o lo’u taimi o loo faaaluina i se mea e lelei mo a’u.

I le seminare, sa aoaoina i matou e lo matou faiaoga i le ala na tatalo ai Enosa mo le tele o itula, ma talanoa i le Alii. Sa ia valaaulia i matou ia i ai se faatuatua faapena ma tatalo mo le 30 minute pe a uma le seminare i lena aso. Sa ou talia le lu’i ma tatalo. Sa ta’u mai e lo’u faiaoga ia i matou e tatalo e pei o loo ma faia se talanoaga atoatoa ma le Tama Faalelagi. Sa ou taumafai e fesootai moni ma Ia ma faafetai atu ia te Ia mo faamanuiaga i lo’u olaga. O le 30 minute na amata lemu, ae sa lagonaina le vave ao taufaaiuiu. O le alu i le seminare, suesue i tusitusiga paia, ma le aoao atili e uiga i le talalelei ua faamalosia moni ai la’u sootaga ma le Tama Faalelagi.

E ui lava o nisi o mea i le olaga e taufaafefe—e pei o le amataina o le seminare po o le alu i se aoga fou—ua ou aoao e faalagolago i le Tama Faalelagi ma Lana fuafuaga. O se tasi o mau ou te fiafia i ai na ou aoaoina i le seminare o le Eteru 12:6, lea e faapea mai, “O le faatuatua o mea ia ua faamoemoe i ai ae ua lē vaaia.” E le manaomia ona tatou vaai ia maua ai le faatuatua.

Pe a faigata pe fenumiai mea uma, tatalo ma ole atu i le Tama Faalelagi mo se taitaiga ia iloa le mea e fai ma le malosi e faaauau ai pea ona uunaia. Aua le fiu. E mafai ona e faia!