O Mea e Le Suia Lava

O nisi taimi e pei le olaga o se vasa pogisa, faatasi ai ma galu o suiga e felafoaiina oe, mo le lelei po o le leaga. Pe a suia uo, aoga, po o tulaga faaleaiga ma amata ni mataupu fou, atonu e lagona le fiafia—pe atonu foi e lagona ai le lofituina. Atonu o loo e popole ona e te le iloa po o fea o ave i ai oe e na galu, ae e pei o le seila o loo vaavaai atu i fetu e malaga saogalemu ai i le aiga, e mafai foi ona e faatautaia suiga o le olaga a o e vaai atu i le Atua ma taulai atu i mea e le suia lava.

E le suia lava le Atua. “E le fesuisuiai o ia mai le faavavau atoa e oo i le faavavau atoa” (Moronae 8:18).

E le suia lava lou taua. “Ia manatua ua tele lava le taua o agaga i le silafaga a le Atua” (Mataupu Faavae ma Feagaia 18:10).

E le suia lava le alofa o Keriso ma le mana o Lana Togiola. “O Iesu Keriso [e] tutusa ananafi, ma le asō, ma le faavavau” (Eperu 13:8).

Pe a e lagonaina le leiloa i luga o le sami o le olaga, ou te faamoemoe o le a e manatua e suia le olaga, ae e le suia lava le Atua. E le suia lou taua. E le suia Keriso.

Ia avea nei upumoni e faavavau ma a outou fetu tumau i luga a’e o galu!