Andrea T. T.

Ata na pueina e Miguel Pachas

Sa ou fia iloa pe tatau ona ou auauna atu i se misiona. Ina ua uma ona ou tatalo i le MMA, sa mafai ona ou maua ai se tali. Ou te lagona e fetalai tele mai le Alii ia i tatou e ala mai i tagata o siomia i tatou. Na te tali mai ia i tatou e tusa ai ma mea tatou te manaomia ma e masani ona sa’o i le taimi tatou te manaomia ai.

O le faalogo i o tatou lagona ma uunaiga e tāua tele. Ou te taumafai ia ou mataala atili i le siufofoga o le Alii e ala i le tatalo soo ina ia mafai ona ou faalogo ia te Ia ma iloa atili o Ia. E mafai ona tatou lagona le latalata atili atu ia te Ia e ala i le faia o mea sao, tausia o Ana poloaiga, tatalo, ma le faitauina o tusitusiga paia.

E tāua tele le faalogo ia Iesu Keriso auā e mafai ona tatou maua ai le mafanafana ma tali i faigata o loo tatou feagai i o tatou olaga i aso taitasi. E tele mea matagofie ua Ia saunia mo i tatou taitoatasi, ma e mafai ona tatou maua le malosi i Lana afioga.