José Q.

Ata na pueina e Miguel Pachas

Ina ua tusa ma le 10 o’u tausaga, sa tele ni a’u fesili e uiga i le talalelei. Ona fai mai lea o le uso o lo’u tama e le tatau ona ou taula’i atu na o a’u fesili ae faaauau pea ona ou alu i le faatuatua, ma o le a ou lagonaina mo a’u lava e fetalai mai le Atua ia te a’u.

E le’i umi ae talosagaina a’u e faasoa atu upu o le viiga “Ou te Talitonu ia Keriso” i le konafesi faalesiteki. A o ou faia, sa gau lo’u leo ma sa ou lagonaina le Agaga o fetalai mai e ala mai ia te a’u. Ina ua maea le konafesi, sa ou tamoe ma fusi lo’u uso matua. Sa amata ona ou tagi a o ia fai mai, “Ua e vaai la? Ioe, e te talitonu i le Atua.” Sa ou maua a’u tali e ala i lena viiga. Sa ou lagonaina o loo i ai le Atua ma Iesu Keriso. Sa na ona ou manaomia lava ona faamanatu ia te a’u lava.

Aua le taofia le alu i le lotu, e tusa lava po o le a le faigata. Saili ia latalata i le Tama Faalelagi ma Iesu Keriso e ala i le tatalo ma le suesueina o tusitusiga paia. Pipiimau pea i le talalelei ma aua nei galo le mea sa e sau mai ai.