O Se Talita Faaleagaga

Sa amata ona fefinauai ni tagata se toalua i lo’u potuaoga i le aoga. Sa la tau fai palauvale atu le tasi ma le isi. Ou te le’i fiafia i ai, ae sa le’i latalata mai le faiaoga ma sa le mafai ona ou tuua le potuaoga, o lea sa punou ifo ai lo’u ulu ma fai se tatalo. Sa ou ole atu i le Alii e fesoasoani mai ia te a’u ia le amanaia i laua ma faagalo a la upu.

O le taimi lava na uma ai lena tatalo, na oo mai ai le tagata e tapenaina le faletele ma faamuta ai le finauga. E pei lava o lena, ou te le’i manatuaina ni upu na fai mai ai tamaiti. Sa aveese e le Alii na upu mataga mai lo’u mafaufau.

E taumafai Satani e aumai i tatou i lalo i le tele o itu, ae o le Agaga Paia e pei o se talita e faasaga ia te ia. O lea ou te le fia i ai i soo se mea e tuleia ese ai le Agaga. Afai tatou te maua le Agaga e faatasi ma i tatou, o le a le faatagaina e le Alii le tiapolo e pulea i tatou. Ua i ai iinei le Tama Faalelagi, Iesu Keriso, ma le Agaga Paia e puipuia i tatou.