O Lau Malaga o le Eseta
O faatinoga laiti e faaopoopoina ma avea o se vaega tele atu.
O le toatele o tagata o le a le maua lava se manatu pe faape’i se tofo o se elefane. E ui lava i lea, o loo i ai se mea e faaoso ai mafaufauga i le faaupuga masani “O le auala sili e ’ai ai se elefane o se u e tasi i le taimi.”
Afai e pei e le taugamalie le uina o manu pei o elefane o le isi la lea: “O le malaga i le afe maila e amata i se laasaga se tasi.” I faaupuga uma e lua, o faatinoga laiti (po o u, pe a e manao ai) e faia ai se eseesega tele.
O lenei faiga e mafai ona faapitoa le aoga i taumafaiga fou e pei o le aoaoina o se gagana fou po o le taupulepuleina o lau galuega. I se vaega tutusa lelei, o lenei faiga e tasi-le-mea-i-le-taimi e mafai ona fesoasoani ia i tatou e amata ai ma le manuia ni mausa fou, e pei o le taumafai e faamanatu le Eseta i se auala e sili atu ona anoa.
Eseta, Siitiaina
Atonu ua e matauina le fautuaga musuia i nai tausaga ua mavae e uiga i le auala e tatau ona tatou faamoemoe e faateleina ai a tatou vaega faamanatuina o le Eseta. I le Eseta na mavae atu nei, mo se faataitaiga, na lu’iina ai i tatou e le Au Peresitene Sili i se savali faapitoa o le Eseta e “faamanatu le Toetu Mai o le Faaola soifua e ala i le suesueina o Ana aoaoga ma fesoasoani e faavae ni tumasani o le Eseta i lo tatou sosaiete atoa, aemaise i totonu lava o o tatou aiga.”
Sa aoao mai foi talu ai nei lava Peresitene Russell M. Nelson e faapea “[o le Eseta] o le faamanatuga faalelotu aupito sili lea ona taua mo soo o Iesu Keriso.”
Ua manino lava o se mea taua lenei! Ae e faapefea ona tatou siitiaina a tatou faafiafiaga patino ma uiga faaalia agai i le Eseta? Aemaise lava pe afai e le’i avea le Eseta ma se taimi tele mo i tatou i le taimi ua tuanai?
I lena lava agaga e tasi o faatinoga laiti ma faifai pea e tau atu i taunuuga tetele, sei o tatou iloiloina se faataoto i mau e mafai ona fesoasoani.
Mai lea Matāua i lea Matāua
O le faataoto i taupou e toasefulu o loo maua i le Mataio 25 ua musuia ai tagata e le mafaitaulia i le salafa o le lalolagi mo le faitau afe o tausaga.
Na aoao mai Peresitene Camille N. Johnson, o le Peresitene Aoao o le Aualofa, e faapea, “E pei lava o taupou popoto e toalima o e sa tutumu a latou lamepa i suau’u ina ua sau le faatoafaiava, e mafai ona tatou mama ia Iesu Keriso a o tatou faatutumu a tatou lamepa i le suau’u faaopoopo o le liua ia te Ia.”
O lena “suau’u faaola/faafaileleina o le liua ia [Iesu Keriso]” o se faatusa mamana lea i lona lava aia tatau. O Iesu Keriso ma Lana Togiola o loo i ai i le totonugalemu o le Eseta. Soo se taimi lava tatou te latalata atili atu ai ia Keriso, e le gata ina tatou faaopoopoina le suau’u i a tatou lamepa, ae o loo tatou faamamaluina foi i le taimi lava e tasi ma faamanatuina le Eseta. O le liua ia Iesu Keriso e faatatau i le mea e sili ona pei o le Eseta e mafai ona e faia.
Na aoao mai foi Elder Dale G. Renlund o le Korama a Aposetolo e Toasefululua, “Tatou te taumafai ia tumau le agavaa mo le i ai pea o le Agaga Paia e faatasi ma i tatou. O lea gafatia e tatau ona mauaina e tagata taitoatasi ma le tagata lava ia, i lea matāua ma lea matāua. O faatinoga faifaipea, a le tagata lava ia, ma patino o le tuuto e valaaulia ai le Agaga Paia e taiala i tatou.’
Mai lea Mātaua i lea mātaua! E foliga mai lena mea e pei o le tasi o le ū po o le la’a e tasi i le taimi. O faatinoga laiti, faifai pea, ma faamoemoeina e aumaia ai suiga ofoofogia i le aluga o taimi. A o e taumafai e faaleleia le Eseta i lenei tausaga, o taumafaiga laiti taitasi e te faia e faalatalata atili atu ai i le Faaola ma Lana talalelei e faia ai se eseesega.
Fesoasoaniga ua Aga’i Atu i Lou Ala
Ia taula’i atu se vaaiga i nai masina e sosoo ai mo manatu ma malamalamaaga o le Eseta mai mekasini a le Ekalesia, alaleo faaeletonika, ma isi mea i le auala e mafai ona e siitia ai lou vaitau o le Eseta. O le a toetoe lava a e maua nisi manatu e sili atu nai lo le mea o le a mafai ona e taumafai i ai i le taimi e tasi. Ae e le afaina lea! Amata laitiiti ma galue mai ai iina. O lea matāua i lea matāua, o le a mumu ma susulu ai lau lamepa.