Brigham G. L.

Ata na pueina e Miguel Pachas

Sa ou taalo o se goalie i se tauvaga [soka]. O a’u uo i le au sa matuai amio mataga lava i nisi taimi. E mafai ona latou maua ni uiga leaga ma lagona ita.

I se tasi aso, sa fai si ou popole a o le’i amataina le matou taaloga. Ae matou te le’i taaalo, sa ou filifili e savali ese mai a’u uo ma tatalo. Sa ou tatalo e ui lava ina sa ou iloa afai e faalogo mai a’u uo ia te a’u, o le a latou talie mai ia te a’u. E le’i leva, ae ou faalogoina le toalua o i latou o memumemu ma talanoa e uiga ia te a’u. Ae na ou faalogo i se isi tagata o fai mai, "O Brigham o se tagata talitonu. Tuu ai pea ia.”

Ina ua ou faalogo i lena mea, sa ou matua fiafia lava. Ina ua uma ona ou tatalo, sa ou fai atu, “Ua ou sauni.” Sa faamanuiaina a’u e le Alii i lena aso, ma sa matou taaalo lelei ma manumalo. Sa faamalo mai a’u uo ia te a’u, ma sa ou fiafia. Ina ua ou taunuu i le fale, sa ou faia se tatalo e faafetai ai i le Alii.