Wala Gayod Mag-inusara, Tungod Kaniya

Paghulagway pinaagi ni Katelyn Budge

Adunay pipila ka batan-on sa akong ward, apan walay usa nila nga nag-eskwela sa akong eskwelahan. Tungod niana, nag-inusara gyod ko sa ikapito nga grado. Mibati ko nga nag-anam og ka layo sa akong kasamtangang mga higala ug walay bag-ong mga higala. Mao nga nag-ampo ko kanunay ug midangop ngadto sa pagtuon sa mga kasulatan.

Nakakaplag ko og usa ka istorya diin si Jesukristo gitamay ug gipapahawa (tan-awa sa Lucas 4:16–30). Ang mga istorya nga sama niana nagtudlo nako nga nakasinati Siya sa unsay akong nasinati, ug kana nakatabang kaayo nako. Tungod Kaniya, ako wala mag-inusara.

Si Jesukristo mao ang akong Manluluwas. Siya ang akong higala nga kasaligan. Makadangop ko kanunay Kaniya ug sa Langitnong Amahan. Ug nasayod ko nga Sila anaa bisan unsa pa ka layo ang akong gibati sa tanang tawo.