Ang Lunop: Noe

Si Noe nagpuyo sa usa ka panahon nga hilabihan ang pagkadaotan. Ang Ginoo misulti ni Noe nga usa ka lunop motabon sa yuta kon ang katawhan dili maghinulsol. Gimandoan Niya si Noe sa pagsangyaw sa ebanghelyo ni Jesukristo, apan ang mga tawo wala maghinulsol.

Gisultihan sa Dios si Noe nga maghimo og usa ka arka (usa ka dakong barko). Si Noe mihimo og mga pakigsaad sa Dios ug gibuhat ang Iyang gisugo kaniya. Misulod siya sa arka uban sa iyang mga pamilya ug uban sa mga hayop sa matag matang.

Miulan sulod sa 40 ka adlaw ug 40 ka gabii, ug ang tibuok yuta natabonan sa tubig. Sa kataposan, si Noe mipadala og usa ka salampati pagawas sa arka aron mangita og uga nga yuta. Mibalik kini nga nagdala og dahon sa oliba.

Human nga si Noe ug ang iyang pamilya mibiya sa arka, si Noe naghimo og altar ngadto sa Ginoo ug mihalad og mga sakripisyo ngadto Kaniya. Si Noe masulundon ug mapasalamaton. Ang Ginoo nagbutang og usa ka bangaw sa panganod isip usa ka timaan sa Iyang pakigsaad nga Siya dili na molaglag sa yuta pinaagi sa lunop.