Unsay gibuhat sa mga tawo didto sa Tore sa Babel? Nganong gitukod nila kini?

Paghulagway pinaagi ni David Green

Si Satanas “mibutang niini diha sa mga kasingkasing sa katawhan sa pagtukod og usa ka tore nga may igong gitas-on aron makaadto sila sa langit” (Helaman 6:28).

Misulay sila sa paghimo sa ilang kaugalingong dalan paingon sa kinabuhing dayon ug kalipay imbes mosunod sa paagi sa Ginoo. Gusto nila nga “himoon nga bantogan ang [ilang] ngalan” (Genesis 11:4) imbes ilang dad-on ang ngalan sa Ginoo. Naghimo sila og murag katugbang sa templo. Misulay sila sa paglikay sa dalan nga modala nila paingon sa “pagtungas sa bungtod sa Ginoo” (Salmo 24:3) pinaagi sa pagtukod sa ilang kaugalingong “bungtod.” Naghunahuna sila nga ang ilang kabubut-on, teknolohiya, ug kahanas makahimo niini—nga walay pagtuo diha ni Jesukristo, paghinulsol, mga pakigsaad, ug pagkamasulundon.

Siyempre, napakyas sila.

Si Elder D. Todd Christofferson sa Korum sa Napulog Duha ka Apostoles mitudlo: “Walay ‘akong paagi’ kon kita mosunod sa ehemplo ni Kristo. Ang pagsulay sa pagpangita og laing agianan paingon sa langit nahisama sa walay pulos nga pagtrabaho sa Tore sa Babel imbes nagtutok ni Kristo ug sa Iyang kaluwasan.”