Serbisyo ug ang Gugma sa Manluluwas

Paghulagway pinaagi ni Katelyn Budge

Sa 10 anyos pa ko, ang akong iyaan mihisgot nako mahitungod sa iyang simbahan: Ang Simbahan ni Jesukristo sa mga Santos sa Ulahing mga Adlaw. Nagpuyo siya sa lahi nga rehiyon, mao nga nangita ko og ward sa akong gipuy-an ug nabunyagan paglabay sa duha ka semana. Ang pagpasakop sa Simbahan sa akong kaugalingon dili lisod alang nako tungod kay ang akong iyaan misuporta nako, ug ang akong bag-ong mga higala sa Young Women miabiabi nako sa ward.

Ang paagi sa ilang pagserbisyo nako nakadasig nako nga moserbisyo sa uban. Usa ka higayon, usa sa akong mga klasmeyt naghilak tungod kay gamay ra ang iyang grado sa iyang eksamin ug wala kahibalo unsaon pagsulti sa iyang mga ginikanan. Gihupay nako siya, nag-ingon niya nga magmaisogon. Nahupay siya ug nagpasalamat nako.

Ang pagserbisyo nakapalig-on sa akong relasyon ngadto sa Manluluwas ug sa Langitnong Amahan tungod kay nagpakita kini nako kon unsaon pagsunod sa mga pagtulun-an sa Manluluwas sa gugma ug kaluoy. Mobati ko sa Iyang gugma kon ako moserbisyo sa uban ug kon ang uban moserbisyo nako.