Mga Butang Nga Dili Gayod Mausab

Usahay ang kinabuhi mabatyagan nga sama og itom nga kadagatan, nga anaa ang mga balod sa kausaban nga mokuso-kuso kanimo, alang sa kaayohan o kalisdanan. Kon ang mga higala, pag-eskwela, o mga sitwasyon sa pamilya mausab ug ang bag-ong hugna moabot, tingali makahinam ang pagbati—o tingali bug-at ang pagbati. Tingali ikaw mabalaka tungod kay dili ka makahibalo kon asa ikaw ibanlas sa mga balod, apan sama sa tiglawig nga sa bitoon magtan-aw aron luwas nga makabiyahe pauli, ikaw usab pwede nga makanabigar sa mga kausaban sa kinabuhi samtang ikaw motan-aw ngadto sa Dios ug magtutok sa mga butang nga dili gayod mausab.

Ang Dios dili gayod mausab. “Siya dili mabalhinon gikan sa tanan nga kahangtoran ngadto sa tanan nga kahangtoran” (Moroni 8:18).

Ang imong bili dili gayod mausab. “Ang bili sa mga kalag mahinungdanon sa panan-aw sa Dios” (Doktrina ug mga Pakigsaad 18:10).

Ang gugma ni Kristo ug ang gahom sa Iyang Pag-ula dili gayod mausab. “Si Jesukristo sama [ra] kagahapon, karon, ug sa kahangtoran” (Mga Hebreo 13:8).

Kon mobati kamo nga nasaag sa kadagatan sa kinabuhi, hinaot nga inyong hinumdoman nga ang kalibotan mausab-usab, apan ang Dios dili gayod. Ang imong bili dili mausab. Si Kristo dili mausab.

Tugoti nga kining mahangtoron nga mga kamatuoran mahimo nga inyong dili matarog nga kabitoonan ibabaw sa mga balod!